पुणे : सोलापूर रस्त्यावर असलेला 'डीएसके ड्रीम सिटी' प्रकल्प न्यायालयाने नवीन बांधकाम व्यावसायिक आणि वास्तुविशारद नेमून पूर्ण करावा.
प्रकल्प पूर्ण झाल्यावर त्यातून 10 हजार कोटी रुपये जमा होतील. त्यातील 40 टक्के रक्कम बांधकाम व्यावसायिकाला आणि उर्वरित रक्कम गुंतवणूकदारांना द्यावी, असा प्रस्ताव बांधकाम व्यावसायिक दीपक कुलकर्णी (डीएसके) यांनी सोमवारी (ता.20) न्यायालयात दिला आहे.
जप्त करण्यात आलेल्या संपत्तीचा लिलाव करण्याबाबत नोटीस काढून ती प्रत्यक्ष विक्रीस काढण्यात मोठा वेळ जाऊ शकतो. त्यात अनेकांच्या हरकती येत शकता. त्यामुळे ठेवीदारांना पैसे मिळण्यात उशीर होईल. त्यामुळे न्यायालयाने स्वतः एखादा बांधकाम व्यावसायिक आणि वास्तुविशारद नियुक्त करावा. त्यांच्या माध्यमातून डीएसके ड्रीम सिटी प्रकल्प पूर्ण करून त्यांची विक्री करावी.
या एका प्रकल्पातून 10 हजार कोटी रुपये जमा होऊ शकतात, असा प्रस्ताव डीएसके यांनी न्यायालयास दिल्याचे त्यांचे वकील धीरज घाडगे यांनी सांगितले. यावर न्यायालयाने मालमत्ता का जप्त का करू नये? अशी नोटीस बचावली आहे. तसेच याबाबत 3 फेब्रुवारी रोजी आपले सविस्तर म्हणणे मांडावे, असे न्यायालयाने सांगितले.
डीएसके यांना गादी, पांघरून, टेबल आणि खुर्ची मिळावी, अशी मागणी करण्यात आली होती. त्याचबरोबर न्यायवैद्यकीय अहवाल मिळावा यासंदर्भात अर्ज करण्यात आला होता. त्यावर न्यायालयाने न्यायवैद्यकीय अहवाल देण्याचा आदेश दिला होता.
या सर्व बाबींना दोन वर्ष होऊन गेल्याचे बचाव पक्षाच्या वकिलांना न्यायालयाच्या निदर्शनास आणून दिले. डीएसके त्यांची पत्नी आणि मुलाला आठवड्यातून दोन वेळा दोन तास भेटू द्यावे, अशी विनंती देखील त्यांच्या वकिलाने केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.