Pune_Lockdown 
पुणे

'कन्धों से मिलते हैं कन्धे'; लॉकडाऊनमध्ये प्रशासन घेणार गणेशोत्सव मंडळांची मदत!

सकाळ वृत्तसेवा

पुणे : मुंबईतील धारावीच्या धर्तीवर पुणे शहरातील कोरोनाचा प्रादुर्भाव रोखण्यासाठी सार्वजनिक गणेशोत्सव मंडळे, स्वयंसेवी संस्था यांची मदत घेण्यात येणार आहे. त्यांच्या माध्यमातून लॉकडाऊनच्या काळात नागरिकांना सर्वतोपरी मदत पोचविण्याबरोबरच त्यांच्यामध्ये या विषाणूबाबतची जनजागृती करण्याचा निर्णय घेण्यात आला आहे. 

विभागीय आयुक्त डॉ. दीपक म्हैसेकर यांच्या उपस्थितीत सोमवारी झालेल्या बैठकीत हा निर्णय घेण्यात आला. या बैठकीला समन्वय अधिकारी राजेंद्र निंबाळकर, स्थायी समितीचे अध्यक्ष हेमंत रासने, सभागृह नेते धीरज घाटे, दगडूशेट हलवाई गणपती ट्रस्टचे महेश सूर्यवंशी, तुळशीबाग सार्वजनिक गणपती मंडळाचे विवेक खटावकर, गुरुजी तालीम मंडळाचे प्रवीणसिंह परदेशी, श्रीमंत भाऊसाहेब रंगारी मंडळाचे पुनीत बालन, कसबा गणपती मंडळाचे श्रीकांत शेटे, तांबडी जोगेश्वरी मंडळाचे प्रशांत टिकार, आदर्श मित्र मंडळाचे उदय जगताप, सेवा मित्र मंडळ शिरीष मोहिते आणि स्वामी नारायण मंदिराचे डॉ. पियुष लाठी हे उपस्थित होते. 

पुणे शहरातील वाढता कोरोना संसर्ग रोखण्याकरिता गणेशोत्सव मंडळ कार्यकर्ते, विशेष पोलिस अधिकारी, एनजीओ यांच्या मदतीने जनजागृती व जास्तीत जास्त नागरिकांपर्यंत पोचून कोरोना रुग्ण संख्या नियंत्रण करण्यासाठी प्रयत्न केले जाणार आहेत. त्यासाठी नागरिकांना सॅनिटायझर व मास्कचा वापर करण्याबाबत आग्रह धरणे, सोशल डिस्टसिंग पाळण्याबाबत सूचना देणे, विनाकारण बाहेर पडणाऱ्या नागरिकांवर लक्ष ठेवणे, जास्तीत जास्त नागरिकांची अँटीजेन टेस्ट करणे, कॉन्टॅक्‍ट ट्रेसिंग मध्ये सहाय्य्य करणे आदी कामांसाठी मदत मंडळांनी करावी. त्याचबरोबर घरी विलगीकरण केलेल्या कोरोना रुग्णांवर लक्ष ठेवणे व त्यांना सहाय्य करणे यासाठी देखील मंडळाच्या कार्यकर्त्यांनी पुढे यावे, असे आवाहन या बैठकीत प्रशासनातर्फे करण्यात आले. 

प्रत्येक क्षेत्रीय कार्यालयांना उपलब्ध करून दिलेल्या रुग्ण वाहिका वापर करून रुग्णांना तपासणीसाठी ने-आण करणे, रुग्णांना रुग्णालयात तातडीने दाखल करण्याकरिता मदत करणे, झोपडपट्टी क्षेत्रातील सार्वजनिक स्वछतागृहे यांची स्वछता यावर लक्ष देणे, लॉकडाऊनच्या कालावधीत गरजू नागरिकांना विषेत: बेघर, विद्यार्थी यांची भोजनाची व्यवस्था करणे. या स्वरूपाचे कामे लोकसहभागातून करण्याच्या उद्देशाने ही बैठक बोलविण्यात आली असल्याचे निंबाळकर यांनी सांगितले. 

यावेळी महेश सूर्यवंशी यांनी "कोरोनाच्या आपत्कालीन काळात शहरातील सर्व गणेश मंडळ प्रशासनाला सर्व सहकार्य करण्यास तयार आहेत." तर रासने यांनी "शहरात रुग्णांना विविध रुग्णालयात उपलब्ध खाटांची माहिती नागरिकांना होणेकरिता डॅशबोर्ड पाहता यावा, यासाठीची सुविधा प्रशासनाने उपलब्ध करून द्यावी.'' यावेळी डॉ. म्हैसेकर यांनी मार्गदर्शन केले. तसेच सर्व मंडळाच्या कार्यकर्त्यांकरिता त्यांचेकडून अपेक्षित कामाची पुस्तिका तयार करून पाठविण्यात येईल, असेही त्यांनी सांगितले. 

- पुण्याच्या बातम्या वाचण्यासाठी येथे ► क्लिक करा

(Edited by Ashish N. Kadam)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ 1st Test Day 2 Live: रोहित शर्मानंतर क्रिकेट इतिहासात ग्लेन फिलिप्सने 'अविश्वसनीय' पराक्रम केला; शतक ठोकले, निकोल्ससह अनेक विक्रमही मोडले...

IND vs NZ 1st Test Day 2 Live: ग्लेन फिलिप्सच्या मानेवर चेंडू जोरात आदळला! बॅट फेकली, हेल्मेट फेकलं... भारतीय खेळाडूने टशनने पाहिलं; जबरदस्त ड्रामा

SuryaKumar Yadav Post: सूर्यकुमारची रात्री सोशल मीडियावर पोस्ट! जय शाह, रोहित शर्मा, गौतम गंभीर यांचे मानले आभार; नेमकं काय म्हणाला?

Shirur Crime : राज्य उत्पादन शुल्क विभागाने घरावर छापा टाकून विदेशी दारूचा लाखो रुपयाचा साठा केला जप्त

HSC Economic Paper : बारावीच्या अर्थशास्त्राच्या पेपरच्या वेळापत्रकात अंशतः बदल

SCROLL FOR NEXT