नारायणगाव (पुणे) : जुन्नर तालुक्यातील येडगाव, नारायणगाव परिसरात नुकत्याच झालेल्या गारपीट व वादळी वाऱ्यामुळे २६४ शेतकरी खातेदारांचे १८१.५४ हेक्टरमधील फळ व भाजीपाला पिकांचे नुकसान झाले आहे. या शेतकऱ्यांना दिलासा देण्यासाठी सन २०१५ च्या शासन निर्णयानुसार नुकसान भरपाईचे अनुदान न देता वाढीव अनुदान द्यावे, अशी मागणी होत आहे.
याबाबत तालुका कृषी अधिकारी सतिश शिरसाट यांनी माहिती दिली की, कृषी, महसूल व पंचायत समितीच्या संयुक्त पथकाने या नुकसानीचे पंचनामे केले असून, याबाबतचा अहवाल शासनाला पाठवण्यात आला आहे. १४ मे रोजी येडगाव व नारायणगाव परिसरात गारपीट व वादळी वाऱ्यासह मुसळधार पाऊस झाला होता. प्रामुख्याने येडगाव भागातील उभ्या बागायती पिकांचे मोठे नुकसान झाले होते.
आमदार अतुल बेनके यांनी पाहणी करून नुकसानीचे पंचनामे करण्याची मागणी केली होती. त्यानुसार पंचनामे करण्यात आले आहेत. पंचनामा अहवालानुसार येडगाव भागातील १७९ शेतकरी खातेदारांचे १३०.१० हेक्टर व नारायणगाव भागातील ८५ शेतकरी खातेदारांचे ५१.४४ हेक्टर क्षेत्रातील फळ व भाजीपाला पिकांचे ३३ टक्क्यांपेक्षा जास्त नुकसान झाले आहे.
- पैसे गेले अन् गाडीही सुटली; परराज्यातील कामगारांवर भामट्यांमुळे आली ही वेळ!
याबाबत येडगावचे माजी सरपंच गुलाबराव नेहेरकर म्हणाले की, १३ मे २०१५ च्या शासन निर्णयानुसार जिरायतीला भाजीपाला पिकांना प्रति हेक्टरी ६८०० रुपये, तर बागायती भाजीपाला पिकांना १३ हजार ५०० रुपये आणि फळ पिकांना १८ हजार रुपये नुकसान भरपाईचे अनुदान दिले जाते. मागील पाच वर्षात शेती पिकांचा भांडवली खर्च दुप्पट झाला आहे. त्यामुळे शेतकऱ्यांना दिलासा देण्यासाठी सन २०१५ च्या शासन निर्णयानुसार नुकसान भरपाईचे अनुदान न देता वाढीव अनुदान देण्याची गरज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.