कोथरुड (पुणे) : दरवर्षी गणेशोत्सवामध्ये कोट्यावधींची उलाढाल होत असते. परंतु यंदाच्या गणेशोत्सवावर कोरोनाचे सावट असल्याने यंदा काय होणार याची चिंता सर्वांनाच पडली आहे. ऑनलाईन गणेश मूर्ती खरेदी करावी यासाठी महापालिकेने आवाहन केल्याने स्टाॅल लावून गणेश मूर्ती विकणाऱ्यांमध्ये नाराजी पसरली आहे. आम्ही पुरेशी काळजी घेवून विक्री करत असताना ऑनलाईन खरेदीसाठी महापालिकेचा अट्टाहास हा छोट्या विक्रेत्यांना देशोधडीला लावणारा आहे.

मोठी बातमी : 'या' पाच प्रभागांतील निम्म्या पुणेकरांना कोरोनाची लागण; सर्व्हेतून पुढे आली माहिती!

महापालिकेच्या मार्गदर्शक सूचनांना सरकारी आदेश समजल्याने अनेक नागरीकांचा कल ऑनलाईन खरेदीकडे वळल्याने स्टॉलधारक मूर्ती विक्रेत्यांना नुकसानीच्या भयाने ग्रासले आहे. अपेक्षेप्रमाणे प्रतिसाद नसल्याने व्यवसायातील नुकसान कसे टाळावे याची चिंता किरकोळ विक्रेत्यांना पडली आहे.

- गणेशोत्सवात 'या' चार दिवशी ध्वनीवर्धक रात्री बारापर्यंत सुरू राहणार; पुणे पोलिसांनी केले जाहीर!​

अमेझॉनवर जी नऊ इंची मूर्ती अडीच हजाराला मिळते ती आम्ही जास्तीत जास्त साडेसातशेपर्यंत विकतो. नागरिकांवर चुकीचे निर्बंध लादल्याने स्थानिक विक्रेते अडचणीत आले आहेत. अमेझॉनची संपत्ती वाढवण्यापेक्षा छोट्या विक्रेत्यांना कसे जगवता येईल याचा विचार प्रशासनाने करावा.

-सीताराम खाडे, विक्रेते

- Big Breaking : पुण्यात कोरोना रुग्णांच्या मृत्यूचा उच्चांक; एकाच दिवसात 'इतक्या' रुग्णांचा मृत्यू   

 

मुर्तीचा आकार किती असावा याबद्दल महापालिका, सरकार व राजकीय नेते यांचे आवाहन, घोषणा आणि नियमावली यामध्ये विसंगती असल्याने लोकांच्या मनात मोठ्या प्रमाणात गोंधळ निर्माण झाला आहे. मुर्ती विसर्जीत कोठे करायची, फिरता हौद कसा आणि कुठे कुठे, केव्हा येणार, त्याचे वेळापत्रक काय ठरवले आहे. महापालिका करत असलेल्या अशा फुटकळ उपाय योजना कोरोना नियंत्रणास उपयोगी ठरणार का असे अनेक प्रश्न उपस्थित होत आहेत. प्रशासन व राज्यकर्ते दोघेही संभ्रमात असल्याने नागरीकांची तारांबळ होत आहे.

-अविनाश दंडवते, व्यावसायिक