पुणे : विजांच्या कडकडाटासह धो-धो कोसळणाऱ्या अवकाळी पावसाचा नेमका कोणता परिणाम कोरोनाच्या विषाणूंवर होणार, याची निश्चित माहिती अद्याप पुढे आलेली नाही. त्यामुळे या पावसाने पुण्यातील कोरोनाचा उद्रेक कमी होईल, असे खात्रीशीरपणे सांगणे अवघड आहे, असे सार्वजनिक आरोग्य खात्यातर्फे स्पष्ट करण्यात आले. 

- ताज्या बातम्यांसाठी डाऊनलोड करा ई-सकाळचे ऍप

शहरात सलग दुसऱया दिवशी ढगांच्या गडगडाटासह पावसाच्या जोरदार सरी पडल्या. त्यामुळे याचा परिणाम कोरोनाचा संसर्ग कमी होण्यावर होईल, अशी चर्चा सुरू झाली. या पार्श्वभूमीवर राज्याचे साथरोग तज्ज्ञ डॉ. प्रदीप आवटे यांच्याशी संपर्क साधला असता ते म्हणाले, “मार्चपासून कोरोनाचा फैलाव राज्याच्या वेगवेगळ्या भागात होत आहे. एप्रिल-मेमध्ये राज्याच्या विविध भागांमधील तापमानाचा पारा चाळीश अंश सेल्सिअसपर्यंत वाढतो. त्याचमुळे त्यातून या विषाणूंचा फैलाव कमी होईल, यावरची चर्चा सुरू झाली होती.

- आणखी वाचा - पुणे जिल्ह्यातून गावी परत जायचंय? वाचा ही बातमी

पण, प्रत्यक्षात कोरोनाची पूर्ण माहिती समोर आलेली नाही. त्याचा आणि पर्यावरणाचा कोणता आणि कसा संबंध हे देखील स्पष्टपणे उलगडले नाही. कारण, युरोप आणि अमेरिकेत भारताच्या तुलनेत पूर्णपणे वेगळे वातावरण आहे. पण, तेथे तो वेगाने पसरताना दिसतो. भारतातही त्याच्या वाढीचा वेग कमी असला तरीही त्याचे अस्तित्व तो दाखवून देत आहे. त्यामुळे वातावरण आणि कोरोना विषाणू यांचा संबंध निटसा स्पष्ट झालेले नसल्याचे दिसते.”

- महाराष्ट्रातील १४ जिल्हे रेड झोनमध्ये;  देशात उत्तर प्रदेशात भयंकर परिस्थिती

पुण्यातही सध्या अवकाळी पाऊस सुरू आहे. वादळीवाऱ्यासह कोसळणाऱ्या या पावसाचा कोरोनाच्या फैलावार नेमका कसा परिणाम होईल, याचा अंदाज वर्तविणे अवघड आहे. कारण, हा विषाणू नवीन आहे. त्यावर संशोधन सुरू आहेत, असेही त्यांनी स्पष्ट केले. 

- 'दादाजी तुम्ही कुठे आहात?'; कणखर गृहमंत्र्यांचा लाडक्‍या नातींसाठी तुटतोय जीव!