पुणे : "आयसीआयसीआय लोम्बार्ड'ने पुण्यातील भारतीय विज्ञान शिक्षण आणि संशोधन संस्थेला (आयसर) कोविड-19 च्या चाचण्यांची क्षमता आणि वेळ वाचविण्यासाठी आवश्यक असलेले अतिरिक्त आरटी-पीसीआर ( रिव्हर्स ट्रान्सस्क्रिप्ट्स पॉलिमर्स चेन रिऍक्शन) यंत्राची संख्या वाढविण्यासाठी वीस लाख रुपयांची मदत दिली आहे. नवीन उपकरणांमुळे "आयसर'ची दररोजची चाचण्यांची क्षमता 250 वरून 500 पर्यंत वाढणार आहे.
"आयसर'ने पुण्यात 21 मे रोजी कोविड-19 च्या चाचण्यांसाठी केंद्र उभारले आहे. संस्थेने 15 ऑगस्टपर्यंत पुणे आणि परिसरातून आलेल्या 15 हजार सॅम्पल्सच्या चाचण्या केल्या आहेत. परंतु हा संसर्ग वेगाने फैलावत असल्याने चाचण्या पूर्ण करण्यासाठी सध्याच्या पायाभूत सुविधा अपुऱ्या पडत आहेत. संस्थेमधील उपलब्ध यंत्रांच्या क्षमतेनुसार दररोज 250 चाचण्या घेणेच शक्य आहे. ही अडचण दूर करण्यासाठी संस्थेला नवीन अत्याधुनिक आरटी-पीसीआर ( रिव्हर्स ट्रान्सस्क्रिप्ट्स पॉलिमर्स चेन रिऍक्शन) यंत्राची गरज होती.
आयसीआयसीआय लोम्बार्डने "आयसर'साठी यंत्र पुरविण्यासाठी आवश्यक असलेला निधी देण्यासाठी पुढाकार घेऊन वीस लाख रुपयांचा निधी पुरविला आहे. नवीन उपकरणांमुळे दररोजची चाचण्यांची क्षमता पाचशेपर्यंत वाढणार आहे.
"आयसर'चे अधिष्ठाता (संशोधन आणि विकास) प्रा. संजीव गलांडे या मदतीबद्दल बोलताना म्हणाले की, आयसीआयसीआय लोम्बार्डच्या महत्त्वपूर्ण योगदानामुळेच आमच्या कोविड-19 केंद्रात चाचण्यांच्या वेळेत बचत झाली असून केंद्राची क्षमताही वाढली आहे.
"आयसीआयसीआय लोम्बार्ड'चे व्यवस्थापकीय संचालक व विशेष कार्यकारी अधिकारी भार्गव दासगुप्ता म्हणाले की, समाजाच्या हितासाठी आयसीआयसीआय लोम्बार्डने सदैव सक्रिय भूमिका बजावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.