पुणे : भारतीय हवामानशास्त्र विभागाने शुक्रवारी (ता.२७) मॉन्सूनने संपूर्ण देश व्यापल्याचे जाहीर केले होते. राज्यात गेल्या 24 तासांमध्ये मध्य महाराष्ट्र आणि विदर्भातील तुरळक भागात मुसळधार पाऊस पडल्याची नोंद हवामान खात्याने केली आहे. तसेच येत्या 1 जुलैपर्यंत मध्य महाराष्ट्र, मराठवाडा आणि विदर्भातील तुरळक भागांमध्ये मुसळधार पावसाचा इशारा वेधशाळेने दिला आहे.

- जेईई, नीट परीक्षा पुढे ढकला; का होतीय अशी मागणी?

वेधशाळेच्या माहितीनुसार, येत्या दोन दिवस म्हणजेच सोमवार पर्यंत (ता.29) मध्य महाराष्ट्रातील काही ठिकाणी मुसळधार पाऊस तर मराठवाड्यासह विदर्भातील तुरळक ठिकाणी मेघागर्जनेसह पाऊस हजेरी लावण्याची शक्यता आहे. तर मंगळवारी (ता. 1) विदर्भातील तुरळक ठिकाणी मुसळधार पाऊस पडू शकतो. दरम्यान या संपूर्ण आठवड्यात कोकण आणि गोव्यातील बहुतांश भागांमध्ये मुसळधार पावसाचा इशारा देण्यात आला आहे.

- धक्कादायक! पुण्यात सुरू असलेल्या प्रकारामुळं कोरोनाला मिळतंय आमंत्रण; काय आहे हे प्रकरण?

पुण्यात मध्यम स्वरूपाच्या पावसाची शक्यता 

पुणे शहर व परिसरात येत्या 3 जुलैपर्यंत मध्यम स्वरूपाचा पाऊस पडण्याची शक्यता वेधशाळेने वर्तवली आहे. तर रविवारी (ता.२८) शहर आणि परिसरातील काही भागांमध्ये विजांच्या कडकडाटासह मध्यम सरींचा पाऊस पडेल. तसेच यावेळी शहर आणि परिसरातील किमान तापमान 23 ते 24 अंश सेल्सिअस राहील, असा अंदाज वेधशाळेने वर्तविला आहे.

- पुण्यात आणखी एक आत्महत्येची घटना; अकाउंटंट तरुणीने घेतला गळफास

हंगामातील एकूण पाऊस (1 जून पासून पुणे शहराचा) 
ठिकाण : एकूण पाऊस मिलीमीटरमध्ये
पुणे : 153.1 मिमी
लोहगाव : 265.8 मिमी
पाषाण : 155.4 मिमी

- ताज्या बातम्यांसाठी डाऊनलोड करा ई-सकाळचे ऍप   

- पुण्याच्या बातम्या वाचण्यासाठी येथे ► क्लिक करा