पुणे : पुणे आणि पिंपरी-चिंचवड शहरातील वाढत्या रुग्ण संख्येला आळा घालण्यासाठी 'बारामती पॅटर्न'नुसार कठोर उपाययोजना राबवाव्यात. सर्व अधिकाऱ्यांनी सूक्ष्म नियोजन आणि आवश्यक उपाययोजना राबवून कोरोनाचा फैलाव थांबवावा, असे निर्देश उपमुख्यमंत्री अजित पवार यांनी दिले. 

- पुण्याच्या बातम्या वाचण्यासाठी येथे ► क्लिक करा

कौन्सिल हॉल येथे कोरोना विषाणूच्या पार्श्वभूमीवर उपमुख्यमंत्री पवार यांच्या अध्यक्षतेखाली वरिष्ठ अधिकाऱ्यांसोबत बैठक घेण्यात आली.  

- ताज्या बातम्यांसाठी डाऊनलोड करा ई-सकाळचे ऍप

उपमुख्यमंत्री पवार म्हणाले...
- कोणत्याही परिस्थितीत पुणे आणि पिंपरी-चिंचवडमधील कोरोनाबाधित रुग्णांची संख्या आणि मृत्यू दर कमी करणे गरजेचे.
- अधिकाऱ्यांवर महापालिकांतर्गत हॉटस्पॉटनिहाय जबाबदारी सोपवावी. 
- पोलिसांनी निर्बंधांची कठोर अंमलबजावणी करावी
- अधिकाऱ्यांमध्ये समन्वय आवश्यक
- कोरोना नियंत्रणासाठी नियुक्त वरिष्ठ प्रशासकीय अधिकाऱ्यांचा सहभाग घ्यावा.

- आणखी वाचा - पुणे जिल्ह्यातून गावी परत जायचंय? वाचा ही बातमी

- अति संवेदनशील भागात तपासणीचे प्रमाण वाढवण्यासाठी आधुनिक तंत्राचा वापर करा.
- दाट लोकवस्ती आणि झोपडपट्टी परिसरात तपासणी वाढवून स्वच्छतेवर भर द्या. 
- झोपडपट्टी भागातील कुटुंबीयांचे संस्थात्मक क्वारंटाईन करावे.
- नागरिकांना मास्क, सॅनिटायझरचे वाटप करावे.
- खासगी दवाखाने सुरु ठेवण्याबाबत महापालिका आयुक्तांनी कडक निर्देश द्यावेत.

- Big Breaking : पुण्याचा 90 टक्के भाग खुला होणार; फक्त हॉटस्पॉटमध्ये कडक निर्बंध

ही शहरे वगळून सुरु होणार उद्योग : 
पुणे, पिंपरी-चिंचवड, मालेगाव, औरंगाबाद अशी जास्त रुग्ण संख्या असणारी शहरे वगळून अन्य ठिकाणी उद्योग सुरु करण्याची बाब राज्य सरकारच्या विचाराधीन आहे. येथील ग्रामीण भागातील कारखानदारी सुरु करण्यासाठी नियोजन करावे. यासाठी आवश्यक नियम व  सामाजिक शिष्टाचाराचे पालन करणे आवश्यक राहील. त्याचबरोबर शहरी भागातील कंटेन्मेंट भाग वगळता अन्य भागातील कारखानदारी बाबतही नियोजन करावे.  

- महाराष्ट्रातील १४ जिल्हे रेड झोनमध्ये;  देशात उत्तर प्रदेशात भयंकर परिस्थिती

निवारागृहात असलेल्या कामगारांना सोयी- सुविधा पुरवाव्यात. तसेच परराज्यातील मजूर, कामगारांच्या स्थलांतराबाबत संबंधित जिल्हाधिकाऱ्यांनी एकमेकांशी समन्वय साधून कार्यवाही करावी, असे उपमुख्यमंत्री पवार यांनी सांगितले.