जुन्नर (पुणे) : जुन्नर तालुक्यातील श्री क्षेत्र लेण्याद्री येथील कोविड सेंटर कोरोनाच्या रुग्णांसाठी वरदान ठरले आहे. या केंद्रामुळे तालुक्यातील कोरोनाच्या संशयित रुग्णांना स्वॅब तपासणीसाठी पुणे येथे जाण्याचा त्रास वाचला आहे. त्यातून सरकारच्या खर्चात मोठी बचत होण्यास मदत झाली आहे. 

खेडमध्ये घर पडून महिलेचा मृत्यू, तीन जण जखमी

जुन्नर तालुक्यातील कोरोनाच्या रुग्णांसाठी खासदार डॉ. अमोल कोल्हे व आमदार अतुल बेनके यांच्या प्रयत्नातून हे केंद्र सुरू झाले. यासाठी लेण्याद्री देवस्थान ट्रस्टने आपले भव्य असे यात्री निवास उपलब्ध करून दिले. त्यामुळे येथे शंभर खाटांचे कोविड केंद्र २३ मेपासून कार्यरत झाले आहे. 

चक्रीवादळाने हिरावला पुणे जिल्ह्यातील शेतकऱ्यांचा घास

या केंद्रात गेल्या बारा दिवसांत एकूण १३८ संशयित रुग्णांची तपासणी करण्यात आली. या काळात १२४ रुग्णांचे स्वॅब घेऊन ते पुणे येथे प्रयोगशाळेत तपासणीसाठी पाठविण्यात आले. यापैकी आठ जणांचे अहवाल येणे बाकी असून, ११६ पैकी १०६ निगेटिव्ह, तर १० जणांचे पॉझिटिव्ह अहवाल आले असल्याचे तहसीलदार हनुमंत कोळेकर, तालुका आरोग्य अधिकारी डॉ. उमेश गोडे व केंद्रप्रमुख डॉ. श्याम बनकर यांनी सांगितले.

पुणे जिल्ह्यात चक्रीवादळाने असा घातलाय हाहाकार

महसूल व आरोग्य विभाग तसेच नगर पालिका येथील अधिकारी व कर्मचारी या केंद्राचे व्यवस्थापन पाहत असून, सद्या येथे दहा रुग्णांवर उपचार करण्यात येत असल्याचे ग्रामीण रुग्णालयाचे वैद्यकीय अधीक्षक डॉ. प्रशांत शिंदे यांनी सांगितले.

पुण्याच्या बातम्या वाचण्यासाठी येथे ► क्लिक करा

लेण्याद्री येथील कोविड सेंटर सुरू होण्यापूर्वी एका संशयित रुग्णांच्या स्वॅब तपासणीसाठी रुग्णवाहिकेतून त्यास पुणे येथे पाठविण्यात येत असे. यासाठी सरकारचा सात ते आठ हजार रुपये खर्च होत असे. संबंधित रुग्णांचे दोन ते तीन दिवस यात जात असत. त्यास मानसिक व शारीरिक त्रास सोसावा लागत असे.

पुण्यातील धरण क्षेत्रात किती पाऊस, वाचा सविस्तर

या केंद्रांमुळे रुग्णांची होणारी गैरसोय टाळण्यास मदत झाली असल्याचे निवासी नायब तहसीलदार सचिन मुंढे यांनी सांगितले.