वाघोली : विद्येचं माहेरघर आणि डॉ. नरेंद्र दाभोळकर यांच्या सारख्या अंधश्रद्धा निर्मूलनासाठी आपले आयुष्य वेचलेल्या सामाजिक कार्यकर्त्यांची भूमी अशी पुणे शहराची ओळख आहे. मात्र, याला गालबोट लागेल असे अनेक प्रकार शहरात वारंवार घडत असतात.
नुकताच वाघोली परिसरातील बुरकेगाव (ता.हवेली) येथे होणारा बालविवाह अंधश्रद्धा निर्मूलन समिती आणि वुमन हेल्पलाईन फाउंडेशनच्या महिलांनी रोखला. या विरोधात लोणीकंद पोलीस ठाण्यात बाल विवाह प्रतिबंधक कायद्यांतर्गत गुन्हा दाखल करण्यात आला आहे.
मिळालेल्या माहितीनुसार, बीड येथील 15 वर्षीय मुलीचा विवाह बुरकेगावमधील एका 24 वर्षीय मुलासोबत शुक्रवारी (ता.31) होणार होता. याबाबतची वार्ता अंधश्रद्धा निर्मूलन समितीच्या नंदिनी जाधव यांना कळाली. आणि त्यांनी वुमन हेल्पलाईन फाउंडेशनच्या अध्यक्षा नीता परदेशी यांना याप्रकरणाची कल्पना दिली.
त्यानंतर परदेशी यांनी मोनिका पिसाळ, संकल्प वाघमारे, कृष्णा कुंदनांनी, स्वाती कदम यांच्यासह आळंदी येथे संबंधितांचा शोध घेतला. मात्र, हा विवाह बुरकेगाव येथे होणार असल्याची माहिती कळाल्यानंतर त्यांनी ग्रामीण पोलीस अधीक्षक कार्यालयात धाव घेतली.
लोणीकंद पोलीस स्टेशनमधील पोलिस कर्मचारी आणि परदेशी बुरकेगावमध्ये दाखल झाले. आणि त्यांनी नियोजित विवाह रोखला. यानंतर परदेशी यांनी या विरोधात लोणीकंद पोलीस ठाण्यात फिर्याद दिली. या प्रकरणी मुलगा, त्याचे आईवडील, नातेवाईक यांच्या विरोधात गुन्हा दाखल करण्यात आला आहे. मुलगी बीडमधील शाळेत इयत्ता नववीमध्ये शिकत होती, अशी माहिती मिळाली असून आता तिला एका सामाजिक संस्थेत दाखल करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.