पुणे : देशातंर्गत विमान वाहतूक सुरू करण्याचा केंद्र सरकारने आदेश दिल्यामुळे लोहगाव विमानतळावर जय्यत तयारी करण्यात आली आहे. परंतु, राज्य सरकारने विमान वाहतूक सुरू करण्यास नकार दिला आहे. त्यामुळे, या बाबत झालेला तिढा कधी सुटणा्र, याकडे आता प्रवाशांचे लक्ष लागले आहे. लोहगाव विमानतळावरुन 8 शहरांसाठी सोमवारपासून विमान वाहतूक सुरू होणार होती.

- ताज्या बातम्यांसाठी डाऊनलोड करा ई-सकाळचे ऍप 

दिल्ली, चेन्नई, कोलकत्ता, बंगळूरू, जयपूर, अहमदाबाद, नागपूर, नाशिक या शहरांसाठी विमानतळ प्रशासनाने विमान वाहतूक सुरू करण्याची तयारी केली आहे. विमान वाहतूक सुरू करण्यासाठी केंद्र सरकारने 22 मे रोजी दिलेल्या सूचनांची दखल घेऊन भारतीय विमानतळ प्राधिकऱणाने सांगितल्यानुसार विमानतळावर तयारी करण्यात आली आहे, अशी माहिती विमानतळाचे संचालक कुलदीपसिंग यांनी दिली.

- खासदारपदाच्या हॅटट्रिकच्या वर्षपूर्तीनिमित्त सुप्रिया सुळे यांनी केलाय `हा` संकल्प

इंडिगो, स्पाईस जेट, एअर इंडिया या विमान कंपन्यांनी 25 मे पासूनच्या तिकिटाचे आरक्षण 23 मे पासून सुरू केले आहे. पुण्यातून दिल्लीसाठी तिकिटांची मोठी मागणी होती. तसेच मुंबई - दिल्ली मार्गावरील विमानाचीही तिकिटे मोठ्या प्रमाणात आरक्षित झाल्याची माहिती विमान वाहतूक कंपन्यांच्या प्रतिनिधींनी दिली. प्रवासासाठी विमानतळावर सोशल डिस्टन्सिंगची तयारी करण्यात आली आहे. त्यानुसार मार्किंगही करण्यात आले आहे, असेही कुलदीपसिंग यांनी सांगितले.

केंद्र सरकारने देशातील 100 विमानतळांवरून नेहमीपेक्षा 30 टक्के विमान वाहतुकीला परवानगी दिली आहे. मात्र, राज्याचे मुख्यमंत्री उद्धव ठाकरे यांनी मुंबई आणि पुणे कोरोनाच्या रेडझोनमध्ये असल्यामुळे विमान वाहतूक सुरू करता येणार नाही, असे कळविले आहे. तसेच दोन्ही शहरांतील सार्वजनिक वाहतूक, कॅब सेवा बंद आहे. तसेच रात्रीचीही संचारबंदी आहे. त्यामुळे प्रवासी विमानतळावर कसे पोचतील, असा प्रश्नही उपस्थित केला आहे.

- पुण्यातील पोलिसांनी घडविले `असे` माणुसकीचे दर्शन...

या बाबत हवाई वाहतूक विश्लेषकतज्ज्ञ धैर्यशील वंडेकर म्हणाले, गरजेचा असेल तरच विमान प्रवास करा, असे केंद्र सरकारने स्पष्ट केले आहे. त्यामुळेच 30 टक्के वाहतूक खुली करण्यात आली आहे. अर्थव्यवस्थेसाठी विमान वाहतूक सुरू करणे गरजेचे आहे. तसेच केंद्र सरकारने विमान प्रवासासाठी ज्या मार्गदर्शक सूचना दिल्या आहेत, त्या पुरेशा आहेत. जर त्यात काही कमतरता आहे, असे वाटत असेल तर, राज्य सरकारला त्यात सुधारणा करता येतील. या बाबत संवाद आणि समन्वयाने हा प्रश्न सुटू शकतो, असे वाटते.

- हायड्रॉक्सिक्लोरोक्वीन औषधाचा वापर कोणासाठी?

विमान प्रवासासासाठी मार्गदर्शक सूचना
- प्रवासाच्या नियोजीत वेळेपूर्वी प्रवाशांनी 2 तास आधी विमानतळावर पोचावे
- प्रवेद्वारावर तपासणी झाल्यावर प्रवाशांना विमानतळावर प्रवेश
- 14 वर्षांवरील प्रवाशांनी त्यांच्या मोबाईल फोनमध्ये आरोग्य सेतू अॅप डाउनलोड करणे गरजेचे
- बॅगांसाठीप्रवाशांनी ट्रॉलीचा वापर करावा
- प्रवाशांना विमानतळावर रांगेत उभे न राहता बोर्डिंग पास मिळणार
- प्रत्येक प्रवाशाला चेहऱयावर मास्क आणि हातात गोल्व्हजचा वापर बंधनकारक

- पुण्याच्या बातम्या वाचण्यासाठी येथे  क्लिक करा