Pune_Mall 
पुणे

हॉटेल-मॉल सुरू झाल्यानंतर शहरात कसं होतं वातावरण? वाचा सविस्तर

सकाळ वृत्तसेवा

पुणे : लॉकडाऊनमुळे गेल्या चार महिन्यांहून अधिक काळ बंद असलेले शहरातील मॉल, रूम असलेले हॉटेल, लॉज आणि गेस्ट हाऊस बुधवार (ता.५) पासून सुरू झाले आहेत. या अस्थापना खुल्या झाल्यानंतर पहिल्याच दिवशी हॉटेलांमध्ये शुकशुकाट होता. तर मॉलमध्ये खरेदीसाठी नागरिकांची काहीशी गर्दी झाली होती.

कोरोनाचा वाढता प्रादुर्भाव रोखण्यासाठी योग्य ती काळजी घेत शहरातील मॉल, रूम असलेले हॉटेल, लॉज आणि गेस्ट हाऊस सुरू करण्यास महापालिकेने परवानगी दिली आहे. त्यानुसार या सर्व बाबी सुरू झाल्या असल्या तरी ग्राहकांनी मात्र त्याकडे पाठ फिरविली असल्याचे चित्र बुधवारी शहरात पाहायला मिळाले. मॉल किंवा हॉटेल सुरू करताना महापालिकेने घालून दिलेल्या अटींची याठिकाणी पूर्तता करण्यात आली असल्याचे पाहायला मिळाले.

मॉलमध्ये येणाऱ्या प्रत्येक ग्राहकाचे तापमान तपासूनच त्यांना आत पाठवण्यात येत होते. तसेच मॉलच्या अंतर्गत भागात गर्दी टाळण्यासाठी काही बदल देखील करण्यात आले आहेत. 
खरेदीसाठी आलेल्या अनिता चिमटे यांनी सांगितले की, दुकानांच्या तुलनेत येथे काही वस्तू स्वस्त आणि चांगल्या मिळतात. त्यामुळे मॉल कधी सुरू होतील याची वाट पाहत होते. याठिकाणी सुरक्षेच्या दृष्टीने सर्व नियमांचे पालन होत असल्याने खरेदी करताना मनात भीती राहिली नाही.

पगाराची चिंता मिटली : 
शहरातील विविध मॉलमध्ये काम करणाऱ्या कर्मचाऱ्यांची संख्या मोठी आहे. मॉल बंद असल्याने त्यांचा पगारही थांबला होता. मात्र आता ते खुले झाल्याने काही कर्मचारी कामावर हजर झाले आहेत. त्यामुळे आता या महिन्याचा का होईना पगार मिळेल, असे समाधान त्यांच्या चेहऱ्यावर झळकत होते.

हॉटेलमध्ये राहायला येणार कोण? 
हॉटेल, लॉज किंवा गेस्ट हाउसमध्ये रूम घेणाऱ्या बहुतांश व्यक्ती या दुसऱ्या शहरातील किंवा राज्यातील असतात. मात्र लॉकडाउनमुळे सध्या प्रवासाबाबत अनेक निर्बंध आहेत. तर कामानिमित्त शहरात येणाऱ्यांची संख्या देखील खूपच कमी आहे. त्यामुळे हॉटेलमध्ये कोणते ग्राहक येणार असा प्रश्न पडल्याचे हॉटेल व्यावसायिकांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT