Pune Fire : पुण्यातील भवानी पेठ, टिंबर मार्केटमध्ये मोठी दुर्घटना घडली आहे. येथील रामोशी गेटनजीक लाकूड सामान असलेल्या गोदामाला भीषण आग लागली आहे.

आज सकाळी पहाटे 4 वाजता भवानी पेठेतील टिंबर मार्केटमध्ये एका लाकडाच्या गोदामाला भीषण आग लागली. ही आग भीषण असून आगीचे आणि धुराचे लोट दूरवरुन दिसत होते.

अग्निशामक दलाचे तब्बल 18 बंब घटनास्थळी पोहचले असून आगीवर नियंत्रण मिळवण्याचे काम सुरू आहे. दरम्यान, ही आग कशामुळं लागली हे समजू शकलं नाही.

ही दुर्घटना ओळखून पुणे कॅन्टोमेंट-पीएमआरडीए अग्निशमन दलाची एकूण 18 अग्निशमन वाहनं दाखल झाली असून सध्या आग विझवण्याचे शर्थीचे प्रयत्न सुरु आहेत. ही आग आज पहाटे 4.14 ला लागली. या आगीत मोठं नुकसान झालं असून या आगीचं नेमकं कारण समजू शकलेलं नाही. ही आग कशामुळं लागली याचा शोध घेतला सुरु आहे.