नारायणगाव (पुणे) : येथील जमीन खरेदी विक्री एजंट संग्राम जगन्नाथ घोडेकर यांच्यावर कोयत्याने वार करून खुनी हल्ला करण्यात आला होता. या टोळीचा सूत्रधार माजी पंचायत समिती सदस्य चंद्रशेखर निवृत्ती कोऱ्हाळे( वय ६१, रा. नारायणगाव, ता. जुन्नर) याला जुन्नर न्यायालयाने चौदा दिवसांची न्यायालयीन कोठडी सुनावण्यात आली असून त्याची रवानगी शनिवारी (ता.९) येरवडा कारागृहात करण्यात आली, अशी माहिती नारायणगाव पोलीस स्टेशनचे सहायक पोलिस निरीक्षक डी.के.गुंड यांनी दिली.

- लडाखमध्ये घुसखोरीचा प्रयत्न; भारतीय सैन्याने चीनी सैनिकाला पकडले!​

गुंड म्हणाले, कोऱ्हाळे आणि घोडेकर यांच्यात जमीन विक्रीच्या व्यवहारातील आर्थिक देवाणघेवाण आणि कोल्हेमळा येथील रो-हाऊसचा ताबा यावरून वाद होता. या वादातून घोडेकर याच्यावर हल्ला करण्याचा कट कोऱ्हाळे याने रचला होता. या कामात प्रशांत माने (वय ३८) याने कोऱ्हाळे याला मदत केली होती. कोऱ्हाळे याच्याकडून सुपारी घेऊन गुरुवारी दुपारी घोडेकर यांच्यावर साईल शेख (वय १८), सोन्या राठोड (वय २४), भावेश राजेंद्र लेंडे (वय २०) यांनी कोयत्याने डोक्यावर हल्ला केला होता.

- हे वाचा - नोकरी गेल्यावर उघडला कॅफे; 'चालता बोलता चहा'तून महिन्याला कमावतो 50 हजार

या हल्ल्यात घोडेकर हे गंभीर जखमी झाले असून त्यांच्यावर पुणे येथील खाजगी रुग्णालयात उपचार सुरू आहेत. या प्रकरणी पोलिसांनी शुक्रवारी सकाळी कोऱ्हाळे याला अटक करून जुन्नर न्यायालयात हजर केले असता त्याला एक दिवसांची पोलिस कोठडी ठोठावण्यात आली होती. पोलिस कोठडीची मुदत संपल्याने शनिवारी त्याला पुन्हा न्यायालयात हजर केले असता त्याला चौदा दिवसांची न्यायालयीन कोठडी सुनावण्यात आली आहे, अशी माहिती गुंड यांनी दिली.

- Breaking:भारतात कोरोना लसीकरणाला होणार सुरुवात; तारीखही निश्चित

चार आरोपी फरार :

या गुन्ह्यातील आरोपी  शेख, राठोड, लेंडे आणि माने फरार असून अद्याप त्यांचा शोध लागला नाही. सद्यस्थितीत या गुन्ह्यात कोऱ्हाळे सह पाच जणांवर गुन्हा दाखल केला आहे.

- पुण्यातील इतर बातम्या वाचण्यासाठी क्लिक करा

(Edited by: Ashish N. Kadam)