जेजुरी (पुणे) : जेजुरी शहरात आतापर्यंत एकूण ४५ जण कोरोनाबाधित झाले आहेत. त्यामध्ये ३ रुग्णांचा मृत्यू झाला असून, २६ रुग्णांवर उपचार करून घरी सोडले आहे. सध्या १६ रुग्णांवर उपचार सुरु आहेत.

वीजग्राहकांना लवकरच आनंदाची बातमी मिळण्याची शक्यता

जेजुरी शहरात कोरोनावर उपचार घेऊन बरे होणाऱ्या रुग्णांची संख्या वाढत आहेत. त्यामुळे जेजुरीकरांना दिलासा मिळत आहे. जेजुरीतील सुमारे २६ रुग्णांनी कोरोनावर मात केली आहे. मात्र, कोरोनाचा ज्येष्ठ नागरिकांना सर्वात जास्त धोका असल्याचे दिसून येत आहे. तीन ज्येष्ठ नागरिकांचा कोरोनामुळे मृत्यू झाला आहे. त्यांना काही प्रमाणात इतर आजारही होते. जेजुरीतील कोरोना केअर सेंटरमध्ये सध्या सोळा रुग्णांवर उपचार सुरु आहेत. 

पुण्यात शिवसेनेला बळ मिळणार

जेजुरी नगरपालिकेच्यावतीने शहरात योग्य ती खबरदारी घेतली जात आहे. शहरातील सर्व दुकाने सकाळी नऊ ते सायंकाळी सहापर्यंत सुरु आहेत. मात्र, नागरिकांना व व्यावसायिकांना योग्य ती काळजी घेण्याचे आवाहन पालिका प्रशासनाच्यावतीने करण्यात आले आहे. शासनाचे पुढील आदेश येईपर्यंत खंडोबा मंदिरही बंदच राहणार आहे. शहरातील भाजीमंडई सबंधित विक्रेत्यांना शहरात वेगवेगळया भागात जागा नेमून देण्यात आल्या आहेत. इतर व्यावसायिकांनाही योग्य ती काळजी घेण्याचे सुचविले आहे. शहरात औषध फवारणी केली जात आहे. प्रतिबंधित क्षेत्रात फक्त अत्यावश्यक सेवा सुरू ठेवली आहे.

पुण्यात या ठिकाणी रुग्णांना मिळतोय दिलासा

जेजुरी परिसरातील काही गावात कोरोनाचा शिरकाव वाढू लागला आहे. त्यामध्ये कोळविहिरे, नावळी, कोथळे येथे काही रुग्ण सापडल्याने त्याही ठिकाणी प्रशासनाच्यावतीने योग्य ती खबरदारी घेतली जात आहे. ग्रामीण रुग्णालयाचे वैद्यकीय अधिकारी, जेजुरी पालिका प्रशासन व पोलिस यांचा योग्य समन्वय असल्याने जेजुरी शहरात रुग्ण संख्या आटोक्यात आणण्यात प्रशासनाला यश येत आहे.