पुणे - बेकायदेशीरपणे बांधलेल्या आणि नोंद नसलेल्या मिळकतींचा शोध घेऊन त्यांची मिळकतकर विभागाकडे नोंदणीची मोहीम महापालिकेने अखेर हाती घेतली आहे. यातून सुमारे दोन-सव्वादोन लाख मिळकतींची नोंद होऊन १०० कोटी रुपयांचा महसूल मिळण्याची अपेक्षा आहे. अशा मिळकतींची प्रत्यक्ष पाहणी करण्यात येणार आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

शहर आणि उपनगरांत गेल्या काही वर्षांत बेकायदा बांधकामे झाली आहेत. परिणामी, त्यांच्या महापालिकेच्या करआकारणी आणि करसंकलन विभागाकडे नोंदी झालेल्या नाहीत. त्यामुळे महापालिकेच्या उत्पन्नावर मोठा परिणाम झाल्याचे सांगण्यात येत आहे. अशा बांधकामांचा शोध घेऊन करआकारणीसाठी प्रयत्न झालेले नाहीत. त्यातच कोरोनामुळे उत्पन्नात घट होऊन महापालिकेच्या तिजोरीत १०० कोटी रुपये शिल्लक राहिले आहेत. त्यामुळे उत्पन्नवाढीचे नवे स्रोत शोधण्याचा भाग म्हणून वर्षानुवर्षे कर लागू नसलेल्या मिळकतींची नोंद करण्याच्या सूचना स्थायी समितीचे अध्यक्ष हेमंत रासने यांनी केल्या होता. त्यानुसार ही मोहीम सुरू केली आहे.

महत्त्वाची बातमी: MBBS, BDSच्या जागा जाहीर; विद्यार्थ्यांमध्ये अॅडमिशनसाठी रंगणार चुरस

महापालिकेतील काँग्रेसचे गटनेते आबा बागूल म्हणाले, ‘‘प्रशासनाच्या दुर्लक्षामुळेच मिळकतींची माहिती उपलब्ध नाही. त्यामुळे वर्षाला शेकडो कोटी रुपयांचा कर बुडत आहे. सर्व मिळकतींची पाहणी करावी.’’

'दौंड पोलिसांनी माझी टू व्हीलर परत केली, हाच माझा दिवाळी बोनस'

मिळकतकर विभागाचे प्रमुख विलास कानडे म्हणाले, ‘‘ज्या निवासी आणि व्यावसायिक मिळकतींना कर लागू नाही, अशा मिळकतींची नोंद करून कर आकारला जाईल. विविध भागांतील मिळकतींची प्रत्यक्ष पाहणी करून प्रचलित दराप्रमाणे कर वसूल केला जाणार आहे.’’

मोठी बातमी : विद्यार्थी-शिक्षकांची दिवाळी होणार आणखी गोड; दिवाळीच्या सुट्टीत वाढ

दोन लाख मिळकतींची नोंद होणार शक्‍य
पुणे शहर आणि नव्या ११ गावांतील सुमारे १० लाख ६१ हजार निवासी, व्यावसायिक मिळकतींची महापालिकेकडे नोंद आहे. नव्या मोहिमेतून अंदाजे चार लाख मिळकती आढळण्याची शक्‍यता वर्तविण्यात येत आहे. मात्र, पहिल्या टप्प्यात दोन लाख मिळकतींची नोंद शक्‍य असल्याचे महापालिका प्रशासनाकडून सांगण्यात आले.

हृदयद्रावक : वडिलांनी शर्थीचे प्रयत्न करूनही मुलगा बुडाला

Edited By - Prashant Patil