महाळुंगे पडवळ - ‘तू या पूर्वी माझ्याबरोबर फोनवर वारंवार बोलत होती, आता माझा फोन का उचलत नाही?’ असा जाब विचारून मावस भावाने मावस बहिणीच्या गळ्यावर धारदार शस्त्राने वार केले. साकोरे (ता. आंबेगाव) येथे बुधवारी (ता. १९) रात्री हा प्रकार घडला. त्यानंतर गुरुवारी (ता. २०) मावस भावानेही विषारी औषध घेऊन आत्महत्या केली.

ताज्या बातम्यांसाठी डाऊनलोड करा ई-सकाळचे ऍप

याबाबत पोलिसांनी माहिती दिली की, साकोरे येथे अर्चना बाळासाहेब कडुसकर व तिची आई अलका या घरी होत्या. रात्री आठ वाजण्याच्या सुमारास अर्चना हिचा मावसभाऊ मंगेश सीताराम बोऱ्हाडे (वय ३०, रा. वाडा, ता. खेड) हा अचानकपणे घरी आला आणि ‘तू या पूर्वी माझ्यावर फोनवर वारंवार बोलत होती, आता माझा फोन का उचलत नाही?’ असे म्हणून त्याने अर्चना हिचे केस धरून ओढत घेऊन धारदार शस्त्राने तिच्या गळ्यावर वार केले. या वेळी अलका यांनाही मंगेश याने धक्काबुक्की केली. आरडाओरड केल्याने वस्तीतील लोकांची चाहूल लागताच मंगेश याने पोबारा केला. याबाबत अर्चना हिने मंचर पोलिस ठाण्यात तक्रार दिली आहे.

Video : ताडी नव्हे; हे तर घातक रसायन!

शरद रामचंद्र कडुसकर यांनी अर्चना यांना मंचर उपजिल्हा रुग्णालयात उपचारासाठी दाखल केले आहे. प्राथमिक उपचार केल्यानंतर तिला पुढील उपचारासाठी ससून रुग्णालयात दाखल केले होते. प्रकृती स्थिर झाल्याने पुन्हा मंचर येथील उपजिल्हा रुग्णालयात तिला आणले. घातक हत्याराने जबर दुखापत व खुनाचा प्रयत्न केल्याप्रकरणी मंगेश याच्या विरोधात पोलिसांनी गुन्हा दाखल केला आहे. 

चिकनमुळे कोरोना होत असल्याची माहिती पसरविल्याने पोल्ट्री व्यावसायिकांचे झाले इतके कोटींचे नुकसान

पोलिस निरीक्षक कृष्णदेव खराडे यांच्या मार्गदर्शनाखाली सहायक पोलिस निरीक्षक अर्जुन शिंदे व पोलिस नाईक राजेंद्र हिले पुढील तपास करत आहे.

दरम्यान, या घटनेनंतर मंगेश बोराडे याने गुरुवारी (ता. २०) साकोरे गावातील ओढ्याजवळ विषारी औषध घेऊन आत्महत्या करण्याचा प्रयत्न केला. त्याला ग्रामस्थांनी मंचर ग्रामीण रुग्णालयात आणले. मात्र, डॉक्‍टरांनी त्याचा मृत्यू झाल्याचे घोषित केले. याबाबतचा पुढील तपास मंचर पोलिस करत आहे.

अमली पदार्थाच्या कारखान्यावर छापा