पुणे : सावित्रीबाई फुले पुणे विद्यापीठाच्या पदव्युत्तर पदवी, पदवी, पदविका आणि प्रमाणपत्र अभ्यासक्रमाच्या प्रवेशासाठी घेण्यात येणाऱ्या प्रवेश परीक्षेसाठी १ जूनपासून (सोमवार) ऑनलाईन अर्ज उपलब्ध होणार आहेत. अर्ज भरण्यासाठी अंतिम तारीख ३० जून आहे. विद्यापीठाने याबाबत शनिवारी (ता.३०) परिपत्रक प्रसिद्ध केले. त्यात प्रवेश परीक्षेचे वेळापत्रक जाहीर करण्यात आले.

- लॉकडाउन ५.० : पुणे शहरात काय सुरू राहणार? काय बंद राहणार? वाचा सविस्तर

'कोरोना'मुळे पुणे विद्यापीठाच्या परीक्षा खोळंबल्या आहेत, त्याचे नियोजन सुरू असतानाच आता पुढील वर्षाचे नियोजनही करावे लागत आहे. पुणे विद्यापीठातील अभ्यासक्रमाला प्रवेश मिळावा यासाठी महाराष्ट्रातील ग्रामीण भागासह देश, विदेशातील विद्यार्थी परीक्षा देतात. 

- आता विद्यार्थी म्हणतात, गाव नको, पुणचं बरं! कारण...

विद्यापीठात पदव्युत्तर पदवी, पदवी, इंटिग्रेटेड कोर्स असे सुमारे ९० अभ्यासक्रमांचे शैक्षणिक विभाग आहेत. या अभ्यासक्रमांसाठी १०० गुणांची प्रवेश परीक्षा घेतली जाते. त्यात २० गुण हे सामान्य ज्ञानावर असतात. उर्वरित गुण अभ्यासक्रमाशी निगडीत विषयांवर असतात.

या प्रवेश परीक्षा ऑगस्ट महिन्याच्या पहिल्या आठवड्यात घेण्यात येणार आहे. त्याचा निकाल विद्यापीठाच्या संकेतस्थळावर प्रसिद्ध केला जाणार आहे. यासाठी खुल्या वर्गातील विद्यार्थ्यांना ५०० रुपये शुल्क तर मागासप्रवर्ग गटातील विद्यार्थ्यांसाठी ३५० रुपये शुल्क आहे. शुल्क ऑनलाईनच भरावे लागेल.

- शाळा-महाविद्यालयांचा मुहूर्त ठरला; 'या' महिन्यात शाळेची घंटा वाजणार!

पदव्युत्तर पदविका व प्रमाणपत्र अभ्यासक्रमाचे ७७ विभाग आहेत, त्यांच्यासाठीही प्रवेश परीक्षा घेतली जाणार आहे. पात्र विद्यार्थ्यांना अर्ज करताना मागील वर्षाची उत्तीर्णतेची गुणपत्रिका, जातीचा दाखला, नॉन क्रिमिलेअर प्रमाणपत्र याचे फोटोकॉपी अपलोड करावे लागेल. दिव्यांग विद्यार्थ्यांना वैद्यकीय प्रमाणपत्र आवश्‍यक आहे. प्रवेश परीक्षेसाठी लिंक : https://campus.unipune.ac.in/ccep/login.aspx

आणखी वाचा - पेन्शन 600 देणगी 500 रुपये; कोरोनाच्या काळातलं सर्वांत मौल्यवान दान!

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा