दौंड (पुणे) : दौंड तालुका कृषी उत्पन्न बाजार समितीच्या सभापतिपदी दत्तात्रेय पाचपुते, तर उपसभापतिपदी संपत निंबाळकर यांची बिनविरोध निवड करण्यात आली आहे.
दौंड समितीचे सभापती दिलीप हंडाळ व उपसभापती उज्ज्वला शेळके यांनी आपल्या पदाचे राजीनामे दिल्याने रिक्त झालेल्या दोन्ही पदांसाठी दौंड शहरातील सहकार भवन येथे निवडणूक घेण्यात आली. सभापती व उपसभापतिपदासाठी अनुक्रमे पाचपुते व निंबाळकर यांचे प्रत्येकी एकच अर्ज दाखल झाले. त्यामुळे निवडणूक निर्णय अधिकारी तथा सहायक निबंधक (सहकार) मिलिंद टांकसाळे यांनी दोघांची बिनविरोध निवड झाल्याचे जाहीर केले.पुणे जिल्हा मध्यवर्ती सहकारी बॅंकेचे अध्यक्ष तथा माजी आमदार रमेश थोरात, दौंड शुगरचे संचालक वीरधवल जगदाळे यांच्यासह राष्ट्रवादीचे पदाधिकारी या वेळी उपस्थित होते.
नूतन सभापती पाचपुते हे बाजार समितीच्या ग्रामपंचायत मतदारसंघातून निवडून आले असून, ते बोरीबेल येथील रहिवासी आहेत. केडगाव येथील रहिवासी असलेले नूतन उपसभापती निंबाळकर हे व्यापारी मतदारसंघातून बाजार समिती संचालक म्हणून निवडून आले आहेत.
दौंड तालुका कृषी उत्पन्न बाजार समितीच्या सन २०१६ मध्ये पार पडलेल्या पंचवार्षिक निवडणुकीत राष्ट्रवादी कांग्रेस पुरस्कृत व माजी आमदार रमेश थोरात यांच्या नेतृत्वाखालील शेतकरी विकास पॅनेलने आमदार राहुल कुल यांच्या नेतृत्वाखालील जनसेवा पॅनेलचा पराभव करीत सर्व १९ जागा जिंकत निर्विवाद वर्चस्व कायम राखले आहे.
दौंड बाजार समितीचे दौंड येथे मुख्य बाजार असून, तालुक्यातील केडगाव, यवत व पाटस येथे उप बाजार आहेत. दौंड तालुका कृषी उत्पन्न बाजार समितीमध्ये केंद्र सरकारच्या राष्ट्रीय कृषी बाजार योजना (ई - नाम) अंतर्गत शेतमाल विक्रीचे व्यवहार ऑनलाइन लिलावांद्वारे केले जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.