नारायणगाव (पुणे) : संगणकीय प्रणालीचा वापर करून बनावट आंतरजिल्हा प्रवासी पास तयार करून त्याची विक्री करणाऱ्या फोटोग्राफरला पोलिसांनी बेड्या ठोकल्या. लॉकडाऊन कालावधीत तो या पासची विक्री करत शासनाची तसेच ग्राहकांची फसवणूक करत होता.
याबाबतची माहिती मिळताच निमगावसावा येथील फोटोग्राफरला पोलिसांनी अटक केली. आरोपीकडून लॅपटॉप, मॉनिटर, सीपीयू, प्रिंटर आदी ४५ हजार ६०० रुपये किंमतीचे साहित्य जप्त करण्यात आले आहे, अशी माहिती सहायक पोलिस निरीक्षक अर्जुन घोडे पाटिल यांनी दिली.
या प्रकरणी अनिस महम्मद हनिफ पटेल (वय २४, रा. निमगावसावा, ता. जुन्नर) याला अटक केली आहे. आरोपी पटेल याचा निमगावसावा येथे फोटो स्टुडिओ आहे. फोटो स्टुडिओमधील साहित्याचा गैरवापर करून पटेल शासकीय व पोलीस दलाचे चिन्हांचा बेकायदेशीर वापर करत होता. कोरोनाच्या पार्श्वभूमीवर केलेल्या लॉकडाऊन काळात त्याने अनेक बनावट आंतरजिल्हा प्रवासी पास तयार करून त्याची वाहनचालकांना विक्री करत होता.
नारायणगाव पोलिसांनी शनिवारी (ता. २०) दुपारी छापा टाकून आरोपीला अटक केली. त्याने गुन्ह्याची कबुली दिली असून बनावट पास तयार करण्याचे प्रात्यक्षिक करून दाखवले. आरोपीला जुन्नर न्यायालयाने न्यायालयीन कोठडी दिली असून त्याची रवानगी येरवडा कारागृहात करण्यात आली आहे.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.