खडकवासला : सिंहगड, डोणजे, गोऱ्हे बुद्रुक, खानापूर मणेरवाडी परिसरात मंगळवारी (ता.२४) सायंकाळी सव्वापाच वाजता मोठ्या गारांसह पावसाने हजेरी लावली.
सकाळपासून या परिसरात बऱ्यापैकी ऊन होते. सायंकाळी ४ नंतर ढगाळ वातावरण तयार झाले. शिवणे, उत्तमनगर कोंढवे- धावडे आहिरेगाव, खडकवासला, गोऱ्हे बुद्रुक, खानापूर, मणेरवाडी, खडकवाडी, कुडजे, आगळंबे, मांडवी खुर्द मांडवी बुद्रुक या परिसरात हा पाऊस झाला.
खानापूर मणेरवाडी येथे मोठ्या गारांचा पाऊस पडला 20 मिनिटे पाऊस सुरू होता, असे मणेरवाडीचे ग्रामस्थ विश्वास जाधव यांनी सांगितले. गारांचा पाऊस झाल्याने आंब्याचा मोहोर झडला आहे. तसेच शेतात काढणीसाठी आलेला गहू या पावसामुळे भिजला असल्याने अनेक शेतकऱ्यांचे नुकसान झाले आहे, असे अंकुश खिरीड यांनी सांगितले.
सव्वा पाच वाजता ढगांचा कडकडाट सुरू होऊन पाऊस पडू लागला. काही भागात धो-धो पाऊस पडत होता. साडेपाच वाजता हा पाऊस कमी झाला असला तरी ढगांचा कडकडाट सुरू होता. तो सहा वाजता वाजता बंद झाला.
या ठिकाणीही कडकडाटासह पावसाची हजेरी
वारजे-माळवाडी, शिवणे, उत्तमनगर, कोंढवे-धावडे परिसरात पावसाला मंगळवारी संध्याकाळी ५ वाजता सुरवात झाली. सकाळपासून या परिसरात ऊन होते. ४-५ वाजल्यानंतर ढगाळ वातावरण निर्माण झाले. सव्वा पाच वाजता ढगांचा कडकडाट सुरू होऊन पाऊस पडू लागला. पहिल्यांदा पाऊस झाल्याने मातीचा सुगंध दरवळला. साडेपाच वाजता हा पाऊस कमी झाला असला तरी ढगांचा कडकडाट सुरू होता. पुणे
- कोरोनाशी निगडीत बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.