पुणे : कोरोनामुक्तांच्या रोजच्या आकड्यांमुळे पुणेकरांत आता कुठे समाधान दिसत असतानाच गुरुवारी (ता.१४) मात्र नवे 163 रुग्ण सापडल्याने पुन्हा धास्ती निर्माण झाली आहे. तरीही दिवसभरात कोरोनापासून बरे झालेल्या 109 जणांसह आतापर्यंत सुमारे दीड हजार रुग्ण पूर्णपणे ठणठणीत झाले आहेत.

- ताज्या बातम्यांसाठी डाऊनलोड करा ई-सकाळचे ऍप 

दरम्यान, दिवसभरात 6 रुग्णांचा जीव गेल्याने मृतांची संख्या 169 झाली आहे. आणखी चिंतेची बाब म्हणजे, 116 रुग्णांची प्रकृती गंभीर आहे. 

महापालिकेसह खासगी रुग्णालय आणि ससूनमध्ये उपाचर घेत असलेल्या कोरोना रुग्णांचा गुरुवारी मृत्यू झाल्याची नोंद आहे. हे सर्व मृत 40 आणि 60 पेक्षा अधिक वयाची असून, त्यांना अन्य आजार असल्याचेही तपासण्यांमधून स्पष्ट झाले आहे. 

- Video : 'लेकराबाळांना घेऊन पायी जाऊ नका'; कामगारांच्या पाठीशी उभे राहिले पोलिस अधिकारी!

सध्या रोज शंभरहून अधिक रुग्ण बरे होत आहेत. त्यात काही दिवसांपूर्वी वाढलेल्या नव्या रुग्णांचा आकडा आता थोडासा कमी झाल्याचे दिसून आले आहे. परंतु, गुरुवारी अचानक नव्या रुग्णांची संख्या 163 इतकी झाली आहे. दिवसभरात 1 हजार 414 जणांचा "स्वॅब' तपासणीसाठी पाठविण्यात आला होता. 

- पुणे : शहराच्या 'या' भागातील पाणीपुरवठा उद्या बंद राहणार!

कोरोनाचा रुग्ण सापडल्यापासून शहरातील सुमारे 27 हजार 349 नागरिकांच्या घशातील द्रव पदार्थांच्या नमुन्यांची तपासणी करण्यात आली आहे. त्यापैकी आतापर्यंत 2 हजार 987 नागरिकांना कोरोनाची लागण झाल्याचे निषन्न झाले आहे. त्यातील 1 हजार 486 रुग्णांनी कोरोनावर मात केली असून, त्यांना घरीही सोडण्यात आले आहे.

- छत्रपती संभाजी महाराजांना तुळापूर ग्रामस्थांकडून अशा प्रकारे अभिवादन...

त्याशिवाय, कोरोनासह अन्यही आजार असलेले 169 रुग्ण मरण पावले आहेत. त्यामुळे महापालिकेच्या डॉ. नायडू हॉस्पिटलसह खासगी रुग्णालयांमध्ये 1 हजार 332 रुग्णांवर उपचार सुरू आहेत. त्यातील 116 रुग्णांची स्थिती चिंताजनक असल्याचे सांगण्यात आले असून, त्यातही 34 जण व्हेंटिलेटरवर आहेत.

- पुण्याच्या बातम्यांसाठी येथे  क्लिक करा

दरम्यान, संपूर्ण शहरात घरोघरी जाऊन नागरिकांची तपासणी करण्याची मोहीम अंतिम टप्प्यांत आहे. त्याशिवाय, गरजेनुसारही काही भागांतील नागरिकांची तपासणी करण्यात येत आहे.