वाल्हेकरवाडी : सरदार वल्लभभाई पटेल यांचे देशाबद्लचे योगदान युवा पिढीला माहीत व्हावे व जी एकात्मता त्यांनी जोडली. ती आपण एकसंध ठेवूया त्यांचे असणारे योगदान महत्वाचे आहे, असे प्रतिपादन पिंपरी-चिंचवड महापालिकेचे श्रावण हर्डीकर यांनी आज चिंचवड येथे एकता दौडला संबोधित करतांना केले.
सरदार वल्लभभाई पटेल यांच्या जयंतीनिमित्त वाल्हेकरवाडी येथे एकता दौडचे आयोजन नगरसेवक नामदेव ढाके यांनी केले होते. यामध्ये १००० तरुण-तरुणी, महिला व जेष्ठ नागरिकांनी सहभाग नोंदविला होता. यावेळी गटनेते एकनाथ पवार, उपमहापौर शैलजा मोरे, अड.मोरेश्वर शेडगे, नगरसेविका अनुराधा गोरखे, कुंदन ढाके, मिलिंद चौधरी, स्वच्छता दूत चंद्रकांत कुलकर्णी, अनुप मोरे, नामदेव ढाके, महापालिका फ क्षेत्रीय कार्यालयाचे मनोज लोणकर, शिक्षण मंडळाचे आवारी उपस्थित होते.
एकता दौडची चिंतामणी चौक वाल्हेकरवाडी इथून सुरुवात होऊन ते भेल चौक प्राधिकरण येथे सांगता झाली. सरदार वल्लभभाई पटेल युवा प्रतिष्ठान, समता भातृ मंडळ, गुजर स्नेहवर्धिनी, केदारेश्वर प्रतिष्ठान, लेवा पाटीदार संघ, लेवा महिला शक्ती संघ,आदी संघटनांनी या कार्यक्रमाच्या संयोजनासाठी योगदान दिले. सरदार वल्लभभाई पटेल यांचे विचार सगळ्यांपर्यंत पोचावेत व नवतरुणांना त्यांच्या विचारांचा फायदा व्हावा यासाठी या दौडचे आयोजन केल्याचे नामदेव ढाके यांनी सांगितले.
'ई सकाळ'वरील इतर महत्त्वाच्या बातम्या :
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.