पुणे : पुण्याला काल मुसळधार पावसाने झोडपून काढले. पुण्याच्या मध्य वस्तीसह उपनगरात मोठ्या प्रमाणावर पाऊस झाला. सहकारनगर, धनकवडी या उंचावरील भागात मोठ्या प्रमाणावर पाऊस झाल्याने पुण्यात इतर भागातील वस्त्यांमध्ये पाणी शिरल्याचे स्पष्ट होत आहे. महापालिकेने दिलेल्या आकडेवारीनुसार पुण्यात सहकारनगर आणि धनकवडी परिसरात सर्वांत जास्त पाऊस झाला आहे.
शिवाजीनगर येथील वेधशाळेत बुधवारी सकाळी साडेआठ ते गुरूवारी सकाळी साडेआठ वाजेपर्यंतच्या चोवीस तासांमध्ये ११२.१ मिलीमीटर पावसाची नोंद झाली. त्यापैकी ७६ मिलीमीटर पाऊस बुधवारी रात्री साडेआठ ते साडेअकरा या वेळेत झाला. पुण्यात रात्री बारानंतर पावसाचा जोर कमी झाला. पण, तोपर्यंत पावसाने शहर आणि परिसराला धुवून काढले होते.
| ठिकाण | पाऊस (मिलीमीटर) |
|---|---|
| औंध | 73.50 |
| कर्वेनगर/वारजे | 70.00 |
| कोथरूड | 79.50 |
| घोले रोड | 163.00 |
| ढोले-पाटील रोड | 86.50 |
| येरवडा/संगमवाडी | 78.50 |
| नगर रोड/वडगाव शेरी | 108.00 |
| भवानी पेठ | 103.00 |
| कसबा पेठ | 75.00 |
| टिळक रोड | 40.00 |
| सहकारनगर/धनकवडी | 227.50 |
| महापालिका परिसर | 105.50 |
| हडपसर | 10.50 |
| कात्रज | 91.50 |
| कोंढवा/येवलेवाडी | 68.50 |
घरीच राहा, सुरक्षित राहा
पार्श्वभूमीवर हवामान खात्याने गुरूवारी परत पुणे जिल्ह्याला पावसाचा ऑरेंज अलर्ट दिला आहे. पुण्यात दिवसभर ढगाळ वातावरण रहाणार आहे. त्यामुळे शहर आणि परिसरात दुपारनंतर ढगांच्या गडगडाटासह पावसाच्या जोरदार सरी कोसळतील, असा अंदाज हवामान खात्याने दिला. विजांचा गडगडाटासह हा पाऊस पडणार असल्याने नागरिकांनी सुरक्षित ठिकाणी थांबावे, असे आवाहनही केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.