लोणी काळभोर (पुणे) : हवेली तालुक्यातील उरुळी कांचन येथील आश्रम रोड परिसरातील एक तीस वर्षीय महिला कोरोनाबाधित असल्याचे शनिवारी (ता. १३) दुपारी आढळून आले. या महिलेचा तीस वर्षीय पती कोरोनाबाधित असल्याचे मंगळवारी (ता. 9) आढळुन आले होते. या महिलेस सिंहगड रस्ता परिसरातील शासकीय रुग्णालयात दाखल करण्यात आले असल्याची माहिती उरुळी कांचनच्या आरोग्य अधिकारी डॉ. सुचिता कदम यांनी दिली आहे. 

आदिवासी शेजमजुरांना नव्हते काम, ही योजना आली त्यांच्या मदतीला 

लोकसंख्येने मोठ्या असलेल्या पूर्व हवेलीमधील उरुळी कांचन, लोणी काळभोर व कदमवाकवस्ती या तीन ग्रामपंचायत हद्दीत मंगळवारपासून सलग चार दिवस कोरोनाबाधित रुग्ण आढळुन येत आहेत. मागिल पाच दिवसात या तीन गावात तब्बल सात कोरोना रुग्ण आढळून आले आहेत. त्यामुळे पूर्व हवेलीतील नागरिकांमध्ये भिती निर्माण झाली आहे. 

कोरोनामुळे जिम व्यवसायिकांच्या अडचणीत वाढ

उरुळी कांचन येथील आश्रम रोड परिसरात मंगळवारी एक पस्तीय वर्षीय तरुण कोरोनाबाधित असल्याचे आढळून आले होते. या तरुणाच्या संपर्तात आलेल्या सहा लोकांचा स्वॅब (घशातील द्राव) पुण्यातील शासकीय प्रयोगशाळेत कोरोना तपासणीसाठी पाठवला होता. या सहापैकी पाच जणांना स्वॅब तपासणी अहवाल आला असून, कोरोनाबाधिताची पत्नी वगळता इतर चार जण निगेटीव्ह आले, तर पत्नी मात्र पॉझिटीव्ह असल्याचे आढळुन आले आहे. 

बा विठ्ठला, यंदा पंढरीची वारी चुकू दे हरी

या पस्तीस वर्षीय कोरोनाबाधित रुग्नावर उपचार करणारे उरुळी कांचन येथील प्राथमिक आरोग्य केंद्रातील एका वैधकिय अधिकाऱ्याचा स्वॅबचा अहवाल येणे बाकी आहे. तर, मागिल पंधरा दिवसापासून कोरोनाबाधित रुग्ण नसल्याने सुटकेचा श्वास सोडलेल्या उरुळी कांचन शहरवाशियांना पुन्हा एकदा कोरोनाने घेरण्यास सुरुवात केली आहे. 

पुण्यात भूमीपुत्रांना नोकरीची संधी

पूर्व हवेलीकरांना चिंताच नाही  
पूर्व हवेलीमधील उरुळी कांचन, लोणी काळभोर व कदमवाकवस्ती या तीन ग्रामपंचायत हद्दीत सध्या सात कोरोनाबाधित रुग्ण आढळून आले असले, तरी या तीन गावांतील नागरिक मात्र कोरोना आपल्याला काहीच करु शकत नाहीत, या अविर्भावात वावरत आहेत. या तीनही गावच्या बाजारपेठा गर्दीने फुललेल्या आहेत. रस्त्यावर फिरणाऱे पन्नास टक्के नागरिक मास्क अथवा कोरोनाला दुर ठेवण्यासाठी सरकारने दिलेल्या सुचनांचे पालण करत नसल्याचे आढळून येत आहे. त्यातच लोणी काळभोर पोलिसांनीही दुर्लक्ष करण्याची भूमिका घेतली आहे. 

पुण्याच्या इतर बातम्या वाचण्यासाठी येथे क्लिक करा

लाॅकडाउन हाच उपाय
या तीनही ग्रामपंचायतीचे प्रशासनही पूर्वी सारखी काळजी घेत नसल्याचे दिसुन येत आहे. विशेष बाब म्हणजे लोणी काळभोर येथील एका कोरोनाबाधित सत्तर वर्षीय महिलेचे नातेवाईकांनी होम क्वारंटाइन करुन घेण्याची गरज आहे. मात्र, संबधित महिलेचे नातेवाईक मात्र भरगर्दीत तोंडाला मास्क न लावता फिरत असल्याचे दिसून येत आहे. त्यामुळे कोरोनाला रोखण्यासाठी पुन्हा एकदा लॉकडाउन करण्याची गरज निर्माण झाली आहे.