पुणे : राज्य सरकारने पुणे शहर, पिंपरी-चिंचवड आणि जिल्ह्यातील प्रादेशिक व परिवहन कार्यालयांचे कामकाज सोमवारपासून करण्यास परवानगी दिली आहे.  या कार्यालयांमध्ये वाहनांच्या नोंदणीचे काम उद्यापासून सुरू होणार आहे.

- ताज्या बातम्यांसाठी डाऊनलोड करा ई-सकाळचे ऍप 

25 मार्चपासून राज्यातील सर्व प्रादेशिक परिवहन कार्यालय बंद ठेवण्यात आली होती. कोरोनाच्या लॉक डाउनमुळे हा निर्णय घेण्यात आला होता. या पार्श्‍वभूमीवर राज्याचे मुख्य सचिव अजेय मेहता यांनी 17 मे रोजी आदेश काढून सोमवारपासून आरटीओ कार्यालय सुरू करण्याचे आदेश संबंधित कार्यालयांना दिले आहेत. त्यानुसार पुण्यातील आरटीओ कार्यालयाचे कामकाज सोमवारपासून सुरू होणार असल्याची माहिती प्रादेशिक परिवहन अधिकारी अजित शिंदे यांनी दिली. सोमवारपासून नव्या वाहनांच्या नोंदणीचे काम सुरू होणार आहे. त्यांना नंबरही दिला जाणार आहे.

आणखी वाचा - बारामतीकरांचे सोने खरेदीचे आकडे वाचून थक्क व्हाल

आरटीओ कार्यालयांमधील अन्य कामे टप्प्याटप्प्याने सुरू करण्यात येणार आहेत. त्याचा आराखडा लवकरच जाहीर करण्यात येईल, असे शिंदे यांनी 'सकाळ'शी बोलताना सांगितले. वाहन परवाना देणे, परवान्यांचे नूतनीकरण करणे, कर आकारणी करणे, वाहनांची मालकी हस्तांतर करणे, आंतरराष्ट्रीय वाहन परवाना उपलब्ध करून देणे आदी कामांचा त्यांत समावेश आहे.

- पुण्यावर नामुष्की : ऍम्ब्युलन्स न आल्यानं रस्त्यावर एकाचा मृत्यू

  पुणे आणि पिंपरी-चिंचवड तसेच जिल्ह्यातील आरटीओचे कामकाज उद्यापासून सुरू होणार आहे. शासकीय कार्यालय सुरू करताना त्यात किती मनुष्यबळ ठेवायाचे, याचे आदेश राज्य सरकारने दिले आहेत. त्यानुसार त्यांचे पालन करण्यात येईल. 'रेड झोन'मध्ये आरटीओचे कोणतेही कामकाज होणार नाही. मात्र त्या बाहेरील क्षेत्रात आरटीओची नेहमीप्रमाणे कामे सुरू होतील, असेही शिंदे यांनी स्पष्ट केले आहे 

- 'फुकट काम करा, नाहीतर राजीनामा द्या'; पुण्यातील आयटी कंपनीचा प्रताप!

पुणे, शहर आणि जिल्हयात मिळून एकूण सुमारे 65 लाख वाहने आहेत. राज्याला सर्वाधिक उत्पन्न मिळवून देणाऱ्या अनेक विभागांपैकी आरटीओ हा एक प्रमुख विभाग आहे. लॉक डाऊनच्या काळात आंतरराज्य, आंतरजिल्हा प्रवासासाठी आरटीओ कार्यालयाने संबंधितांना डिजिटल पास उपलब्ध करून दिले आहेत.