राज्यातील सहाशे महिलांनी काढले १८ कोटींचे कर्ज, ४४ बसची खरेदी 
पुणे - राज्यातील विविध बचत गटांच्या सुमारे 600 सदस्य महिला कोट्यवधी रुपयांचे कर्ज काढून, त्याद्वारे खरेदी केलेल्या बसगाड्या पीएमपी सारख्या एखाद्या परिवहन संस्थेला तब्बल सात वर्षांसाठी भाडेतत्त्वावर पुरवितात अन्‌ आपल्या आर्थिक उन्नतीचा मार्ग शोधतात. इतकंच नव्हे तर त्यांच्या बस आता पुणे आणि पिंपरी चिंचवडमधील रस्त्यांवर धावू लागल्या आहेत. एरवी स्वप्नवत वाटणारा हा उपक्रम प्रत्यक्षात साकारला आहे. अन त्यातून अन्य बचत गटांनाही प्रेरणा मिळत आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

एखाद्या सार्वजनिक परिवहन संस्थेला बचत गटांनी बस भाडेतत्त्वावर देण्याचा हा देशातील पहिलाच उपक्रम आहे. त्यासाठी राज्यातील पुणे, सातारा, सांगली, कोल्हापूर, नगर, वाशीम जिल्ह्यांतील 43 बचत गट सक्रिय झाले आहेत. माजी सैनिकांच्या पत्नी, विधवा या केवळ गृहोद्योगांतच गुरफटलेल्या नाहीत तर, एखादी कंपनी उभारूनही त्या व्यावसायिक कंपन्यांशी स्पर्धा करू शकतात, हे विश्‍वयोद्धा शेतकरी मल्टीट्रेड प्रा. लि. या कंपनीच्या माध्यमातून स्पष्ट झाले आहे. या उपक्रमाचे शिल्पकार आहेत कंपनीचे अध्यक्ष आणि माजी सैनिक सुरेश गोडसे, कर्नल आर. आर. जाधव. 

महाराष्ट्रातही यंदा फटाक्‍यांना बंदी घाला; पुणेकराने उच्च न्यायालयात केली याचिका दाखल

पीएमपी भाडेतत्त्वावर बस घेणार, ही जाहिरात त्यांनी 3 वर्षांपूर्वी वाचली. पीएमपीच्या तत्कालीन अध्यक्षा नयना गुंडे यांना भेटून गोडसे व जाधव भेटले. यांनी त्यांना कल्पना सांगितली. भाडेतत्त्वावरील बस घेताना 10 टक्के आरक्षण बचत गटांसाठी ठेवण्याची तरतूद त्यांनी केली. 

महत्त्वाची बातमी: MBBS, BDSच्या जागा जाहीर; विद्यार्थ्यांमध्ये अॅडमिशनसाठी रंगणार चुरस

बस भाडेतत्त्वावर पुरविण्याचा प्रकल्प आम्हाला पटला. म्हणूनच आमच्या गटातील 12 महिलांनी सुमारे 7 लाख रुपये उभे केले आणि बॅंकेच्या कर्जाद्वारे बस खरेदी केली. सुरवातीला कमी पैसे मिळाले तरी, उत्तरोत्तर ही रक्कम वाढणार आहे. त्यामुळे आम्हाला सलग सात वर्षे हमखास उत्पन्नाचे साधन मिळाले आहे. 
- मंगल देशपांडे, बचत गट प्रमुख, वाशीम

हृदयद्रावक : वडिलांनी शर्थीचे प्रयत्न करूनही मुलगा बुडाला

• 600 - बचतगटातील एकूण महिला 
• 44 - एकूण बस
• 2 कोटी 74 लाख - स्वहिस्सा 
• 18 कोटी रुपये कर्ज
• 7 वर्षे - पीएमपीसोबतचा भाडेतत्वाचा करार

Edited By - Prashant Patil