पुणे : जिल्ह्याच्या ग्रामीण भागातील विविध तपासणी नाक्यांवर नियुक्त करण्यात आलेल्या अधिकारी आणि कर्मचाऱ्यांना संरक्षक जॅकेटचे वाटप करण्यात आले आहे. यासाठी महिंद्रा अँड महिंद्रा कंपनीने सामाजिक उत्तरदायित्व निधीतून (सीएसआर) दीड हजार जॅकेट उपलब्ध करून दिली असल्याचे जिल्हा परिषदेच्या अध्यक्षा निर्मला पानसरे यांनी शुक्रवारी (ता.१५) सांगितले.

- ताज्या बातम्यांसाठी डाऊनलोड करा ई-सकाळचे ऍप

जिल्हा परिषदेच्यावतीने पुणे जिल्ह्याच्या सीमेवर विविध ठिकाणी १११ तपासणी नाके सुरु करण्यात आलेले आहेत. हे सर्व नाके २४ तास कार्यरत असतात. यासाठी तीन शिफ्टमध्ये अधिकारी आणि कर्मचारी काम करीत आहेत.

- हृदय पिळवटून टाकणारी कहाणी : '...ते माहीत नाही, पण आमचे मात्र कुटुंब उद्‌ध्वस्त झाले'

सांगली जिल्ह्यातील एका तपासणी नाक्यावर कार्यरत असलेल्या एका शिक्षकाला भरधाव ट्रकने उडवले होते. त्यात त्या शिक्षकांचा जागीच मृत्यू झाला होता. या पार्श्वभूमीवर पुणे जिल्ह्यातील तपासणी नाक्यावरील कर्मचाऱ्यांना संरक्षक जॅकेटचे वाटप करण्याचा निर्णय घेण्यात आल्याचे पानसरे यांनी सांगितले. 

या नाक्यांवरील कर्मचारी हे पुणे जिल्ह्याच्या हद्दीत प्रवेश करणाऱ्या प्रत्येक व्यक्तीची संपर्क विरहित तापमाफकाच्या माध्यमातून तपासणी करत आहेत. जिल्ह्यात कोरोना संसर्ग सुरू झाल्यापासून हे तपासणी नाके सुरू करण्यात आलेले आहेत.

 - आता आमदार-खासदारांना दररोज मिळणार पुण्यातील कोरोनाचे अपडेट्स!

दरम्यान, या नाक्यांवर कार्यरत असलेल्या अधिकारी आणि कर्मचाऱ्यांसाठी स्थानिक ग्रामपंचायतींमार्फत सावलीसाठी मंडप, लाईट, पिण्याचे पाणी आणि शौचालयाची सुविधा उपलब्ध करून देण्यात आली आहे. जिल्हा परिषद अध्यक्षा निर्मला पानसरे यांनी महिंद्रा कंपनीचे आनंद महिंद्रा आणि श्रीकुमार नायर यांचे आभार मानले आहेत.

- पुण्यातील खव्वयांसाठी महत्वाची बातमी; आधी वाचा मग ऑर्डर करा

पुण्याच्या बातम्या वाचण्यासाठी येथे ► क्लिक करा