पुणे : सावित्रीबाई फुले पुणे विद्यापीठाच्या आवारात चालणाऱ्या विविध अभ्यासक्रमांसाठी गेल्या शैक्षणिक वर्षात घेण्यात आलेल्या ऑनलाईन प्रवेश परीक्षांना उत्तम प्रतिसाद मिळाला. तसेच, ठिकठिकाणी परीक्षा केंद्रे असल्याने बाहेरगावच्या विद्यार्थ्यांना सहजपणे परीक्षा देता आल्या.

- आता बातम्या ऐकण्यासाठी डाऊनलोड करा ई-सकाळचे ऍप 

या पार्श्वभूमीवर या वर्षीसुद्धा विद्यापीठाच्या पदवी आणि पदव्युत्तर (यूजी व पीजी) परीक्षांसाठी ऑनलाईन पद्धतीने परीक्षा घेण्यात येणार आहेत. याबाबतचे वेळापत्रक येत्या आठवड्याभरात जाहीर करण्यात येईल, अशी माहिती कुलगुरू प्रा. नितीन करमळकर यांनी दिली.

- 'सामना' पाहताच अजित पवार म्हणाले हा तर आमचाच पेपर

विद्यापीठाच्या आवारात असलेल्या विविध विभागांमध्ये चालणाऱ्या अभ्यासक्रमांसाठी गेल्या वर्षीपासून ऑनलाईन प्रवेश परीक्षा घेणे सुरू करण्यात आले. पदवी आणि पदव्युत्तर अशा एकूण ९५ अभ्यासक्रमांसाठी ऑनलाईन परीक्षा घेण्यात आल्या. त्यासाठी राज्याच्या विविध भागात परीक्षा केंद्रे उपलब्ध करून देण्यात आली होती. ही ऑनलाईन प्रवेश परीक्षा विद्यार्थ्यांसाठी सोयीची ठरली. त्यांना परीक्षांसाठी पुण्यात येण्याची आवश्यकता नव्हती, तर ते आपल्या गावाजवळ असणाऱ्या केंद्रावर परीक्षा देऊ शकले. त्यामुळे या परीक्षांना खूप चांगला प्रतिसाद लाभला.

- काम असेल तरच ऑफिसला या; राज्यात सर्वाधिक कोरोनाग्रस्त पुण्यात!

या ९५ अभ्यासक्रमांसाठी सुमारे २६ हजार ५०० विद्यार्थी बसले होते. परीक्षा देणाऱ्या विद्यार्थ्यांची संख्या वाढल्याने गुणवत्तेतही वाढ झाली. या परीक्षेच्या अशा जमेच्या बाजू ठरल्या. त्यामुळे येत्या शैक्षणिक वर्षासाठीसुद्धा ऑनलाईन पद्धतीने प्रवेश परीक्षा घेण्यात येणार आहे. त्याबाबतची घोषणा व सविस्तर कार्यक्रम पुढील आठवड्यात जाहीर करण्यात येईल. त्याची माहिती विद्यापीठाच्या संकेतस्थळावर उपलब्ध केली जाईल, असे प्रा. करमळकर यांनी सांगितले.

- मोठी बातमी : कोरोनामुळे IPL स्पर्धा पुढे ढकलली; 'या' तारखेला होणार प्रारंभ?

पदविका व प्रमाणपत्र परीक्षा संबंधित विभागांद्वारेच

या व्यतिरिक्त पदविका (डिप्लोमा) व प्रमाणपत्र (सर्टिफिकेट) अभ्यासक्रमांच्या मात्र संबंधित विभागांकडून थेट पद्धतीने घेण्यात येतील. या अभ्यासक्रमांची संख्या ५५ इतकी आहे, असेही त्यांनी सांगितले.