पुणे : पावसाळ्यात अतिवृष्टी, पूर, झाडे व फांद्या कोसळल्याने वीज तारा तुटणे, विजेची उपकरणे किंवा यंत्रणेमधील शॉर्टसर्किट आदींमुळे अपघात होण्याची शक्‍यता असते. त्यामुळे नागरिकांनी काळजी घ्यावी, असे आवाहन महावितरणने केले आहे.
अतिवृष्टी व वादळी पावसामुळे तुटलेल्या वीज तारा, वीज खांब, रस्त्याच्या बाजूचे फिडर पिलर, रोहित्रांचे लोखंडी कुंपण, फ्यूज बॉक्‍स तसेच घरातील ओलसर विद्युत उपकरणे, शेतीपंपाचा स्वीच बोर्ड, विद्युत यंत्रणेजवळील इतर ओलसर वस्तू, साहित्य आदींमुळे अपघात होण्याची शक्‍यता वाढते. त्यामुळे ग्राहकांनी खबरदारी घेण्यासह सतर्क राहण्याची गरज आहे.

ताज्या बातम्यांसाठी डाऊनलोड करा ई-सकाळचे ऍप    
पुण्याच्या बातम्या वाचण्यासाठी येथे ► क्लिक करा 

पाऊस व जोरदार वाऱ्यामुळे झाडे, फांद्या वीज तारांवर पडतात. यामुळे खांब वाकतात, तारा तुटतात. लोंबकळत राहतात. परंतु, त्यामध्ये वीज प्रवाह असण्याची शक्‍यता असते. अशा वीज तारांना हात लावण्याचा किंवा त्या हटविण्याचा प्रयत्न करू नये. अनेकदा रोहित्रांचा वीजपुरवठा बंद ठेवण्यात येतो, तेव्हा नागरिकांनी सहकार्य करावे, असे आवाहन महावितरणने केले.

कोरोनाला रोखण्यासाठी पुणे पोलिसांचे आणखी एक पाऊल; नागरिकांच्या प्रवासावर येणार...

काय काळजी घ्यावी
- स्वीच बोर्ड, विजेच्या उपकरणांचा ओलाव्याशी संपर्क येणार नाही
- घरातील वीजपुरवठ्याला अर्थिंग केल्याची खात्री करावी
- दूरचित्रवाणीची डीश, अँटेना वीज तारांपासून दूर ठेवा
- ओल्या कपड्यांवर विजेची इस्त्री फिरवू नये
- सर्व वीज उपकरणे स्वीच बोर्डपासून बंद करा
- विजेच्या खांबांना जनावरे बांधू नयेत
- खांबांना दुचाकी टेकवून ठेवू नये
- वीज तारांजवळ कपडे वाळत घालू नयेत
- फिडर पिलर्स, रोहित्र किंवा इतर वीज यंत्रणेपासून सुरक्षित अंतर ठेवावे

'पुणेरी पाटी'ने सुरु केलं ऑनलाइन युद्ध, विषय हैदराबादी बिर्याणीचा 

तक्रार येथे करा
टोल फ्री क्रमांक : 1912 , 1800-102-3435 किंवा 1800-233-3435
मोबाईल ऍप, वेबसाइट : www.mahadiscom.in
नोंदणी केलेल्या मोबाईलवरून 022-41078500 या क्रमांकावर मिस्ड कॉल द्या.
नोंदणी केलेल्या मोबाईलवरून NOPOWER हा एसएमएस 9930399303 यावर पाठविल्यास तक्रार नोंदविली जाणार आहे.