जुन्नर (पुणे) : कोरोनाबधितांच्या वाढत्या संख्येने जुन्नर शहरातील नागरिकांची चिंता वाढली आहे. सहा महिन्यांच्या बालकासह, दोन नगरसेवक, एक वैद्यकीय व्यावसायिक, व्यापारी, महिला, तरुण व ज्येष्ठांना कोरोनाची बाधा झाली आहे. 

जेव्हा शरद पवार रमतात जुन्या आठवणीत

जुन्नर शहरातील आठ जणांचे कोरोनाचे अहवाल काल रात्री उशिरा पॉझिटिव्ह आले. त्यामुळे कोरोनाबाधितांची एकूण संख्या २४ झाली आहे. यापैकी २१ जण उपचार घेत असून, दोघे बरे झाले आहेत. तर, एका ज्येष्ठाचा मृत्यू झाला आहे. संबंधित ज्येष्ठास १२ जुलै रोजी ससून येथे दाखल करण्यात आले होते. ते कोरोना पॉझिटिव्ह असल्याचे १४ जुलै रोजी स्पष्ट झाले होते. मात्र, काल त्यांचा मृत्यू झाला. 

काय सांगता, पुणे झेडपीला डाॅक्टर आणि नर्स मिळेना...

कोरोनाबधितांच्या संपर्कातील व्यक्तींचा शोध घेऊन त्यांची स्वॅब तपासणी करण्यात येत आहे. अद्याप दहा जणांचे अहवाल प्रलंबित आहेत. शहरात निर्जंतुकीकरण करण्यासाठी फवारणी करण्यात आली असून, सर्वेक्षण देखील सुरू असल्याचे सांगण्यात आले.

पुणे जिल्ह्यातील अंगणवाडी, शाळा दुरुस्तीसाठी एवढा निधी मंजूर

जुन्नर शहर शनिवारपासून (ता. ११) प्रतिबंधित क्षेत्र जाहीर झाले. त्यानंतर शहरातील रुग्ण संख्या वाढत असल्याचे दिसून येत आहे. शुक्रवारी (ता. १०) १, शनिवार (ता. ११) २, रविवारी (ता. १२) २, सोमवारी (ता. १३) ४, बुधवारी (ता. १५) ५ व गुरुवारी (ता. १६) ८, तर जूनमध्ये दोन रुग्ण आढळून आले होते. 

पुण्याच्या इतर बातम्या वाचण्यासाठी येथे क्लिक करा

Edited By : Nilesh J Shende