पुणे : कोरेगाव पार्क येथे पूर्ववैमनस्यातून झालेल्या वादानंतर एका तरुणाच्या डोक्‍यात फरशी घालून गुरूवारी मध्यरात्री (ता.9) त्याचा खुन करुन फरारी झालेल्या आरोपींपैकी दोघांना अलंकार पोलिसांनी बेड्या ठोकल्या. अनिकेत वाखारे, सागर चवरीया (दोघेही रा. कवडेवाडी, कोरेगाव पार्क) असे अटक केलेल्या संशयित आरोपीचे नाव आहे. 

तरुणाने मागितला मुलीचा नंबर अन् पुणे पोलिसांनी दिले 'हे' उत्तर
 

नीलेश विठ्ठल शेंडगे (वय 22, रा. दरोडे मळा, कोरेगाव पार्क) असे खून झालेल्या तरुणाचे नाव आहे. याप्रकरणी जनाबाई विठ्ठल शेंडगे (वय 45) यांनी कोरेगाव पार्क पोलिस ठाण्यात फिर्याद दिली होती. निलेश शेंडगे हा विशाल दोडके यांच्यासमवेत गुरुवारी रात्री सव्वाबाराच्या सुमारास कोरेगाव पार्क येथील दरोडे मळ्याजवळील गणपती मंदिरासमोर थांबला होता. त्या वेळी अनिकेत वाखारे हा त्याच्या साथीदारासह तेथे आला. दोघांमध्ये जुन्या भांडणाच्या कारणावरुन भांडणे झाली. त्यानंतर अनिकेत वाखारे, अभिषेक वाखारे, निळकंठ वाखारे, सागर चावरिया व फैयाज यांनी निलेशला हाताने व लोखंडी सळईने मारहाण केली. त्यानंतर त्यांनी निलेशच्या डोक्‍यात फरशी घालून त्याचा खुन केला. या घटनेनंतर आरोपी पळून गेले होते.

अभ्यासानंतरच ‘बीआरटी’ धावणार! 

दरम्यान, या घटनेतील दोन आरोपी अलंकार पोलिस ठाण्याच्या हद्दीतील निंबाळकर पान स्टॉल येथे आल्याची खबर तपास पोलिस नाईक राजेंद्र लांडगे, संदिप धनवटे व प्रफुल चव्हाण यांना मिळाली. त्यानुसार, तपास पथकातील पोलिस उपनिरीक्षक सुरज गोरे यांच्या पथकाने सापळा रचून दोघांना ताब्यात घेतले. त्यावेळी कोरेगाव पार्क येथील खुन अनिकेत वाखारे व सागर चवरीया यांनीच केल्याची कबुली दिली. दोघांनाही पुढील तपासासाठी कोरेगाव पार्क पोलिसांच्या ताब्यात देण्यात आले आहे. 
 
पुणे : पोलिसांनी वाचला वृद्धाश्रमाचा बोर्ड अन्...