पुणे : मसाज सेंटरच्या नावाखाली सुरू असलेल्या वेश्‍याव्यवसायाच्या ठिकाणावर येरवडा पोलिसांनी कारवाई केली. त्यामध्ये मसाज सेंटरचा मालक व व्यवस्थापक महिलेस अटक करण्यात आली. याबरोबरच थायलंडच्या तीन तरुणींची सुटका करण्यात आली. 

भोसरीत एकतर्फी प्रेमातून तरुणीचा गळा चिरून खून

मसाज सेंटरचालक महेश गुंडट्टी व व्यवस्थापक प्रियंका तोटे अशी येरवडा पोलिसांनी अटक केलेल्या संशयित आरोपींची नावे आहेत. पोलिसांनी दिलेल्या माहितीनुसार, विमाननगर परिसरातील फिनीक्‍स मॉल चौकातील नानाश्री लॉजच्या दुसऱ्या मजल्यावर असणाऱ्या फॉरच्युन थाई स्पा येथे मसाज सेंटरच्या नावाखाली थायलंडच्या तरुणींना जादा पैशाचे आमिष दाखवून त्यांच्याकडून वेश्‍याव्यवसाय करुन घेतला जात असल्याची खबर येरवडा पोलिस ठाण्याचे पोलिस निरीक्षक (गुन्हे) अजय वाघमारे यांना मिळाली होती.

कसोटी क्रिकेटमधील नवीन बदलांना यश मिळो : कपिल देव 

त्यानुसार, त्यांच्या पथकाने संबंधीत स्पावर शनिवारी रात्री सव्वा नऊ वाजण्याच्या सुमारास कारवाई केली. त्यावेळी तेथे गुंडट्टी, तोटे यांच्यासह तीन थायलंडच्या तरुणी आढळून आल्या. त्यानुसार, पोलिसांनी दोघांना ताब्यात घेऊन तरुणींची सुटका केली.

अजित पवारांच्या बंडामुळे पुण्यात राष्ट्रवादीच्या नगरसेवकांमध्ये संभ्रम