लोणी काळभोर (पुणे) : हवेली तालुक्यातील उरुळी कांचन येथील साठ वर्षीय सराफ व्यावसायिकाच्या संपर्कातील एक नातेवाईक व दुकानामधील महिला कर्मचारी, असे दोन जण कोरोनाबाधित असल्याचे शुक्रवारी (ता. ३) सकाळी स्पष्ठ झाले. त्यामुळे येथील अॅक्टीव्ह कोरोनाबाधित रुग्णांची संख्या सहावर पोचली आहे.
उरुळी कांचन शहरातील एक सराफ व्यावसायिक कोरोनाबाधित असल्याचे मंगळवारी (ता. ३०) रात्री उशिरा निष्पन्न झाले होते. या सराफाच्या घरातील अकरा नातेवाईक, तीन मोटार चालक आणि सराफ दुकानात काम करणाऱ्या पंधराहून अधिक जणांचे स्वॅब तपासणीसाठी पाठवले होते. यात सराफ व्यावसायिकाचा घरातील नातेवाईक आणि दुकानातील एक महिला कर्मचारी, अशा दोन जणांचे स्वॅब रिपोर्ट पॉझिटिव्ह असल्याचे आढळून आले आहेत.
सराफ व्यावसायिकाच्या संपर्कातील दोन जण कोरोनाबाधित असल्याचे निष्पन्न झाल्याने आणि आज सापडलेल्या कोरोनाबाधित महिला कर्मचाऱ्याच्या घरातील तीन व सराफ दुकानातील कर्मचारी, अशा दहा जणांचे स्वॅब (घशातील द्रव) नव्याने तपासणीसाठी पुण्यातील शासकीय प्रयोगशाळेत पाठवण्यात येणार असल्याची माहिती उरुळी कांचन प्राथमिक आरोग्य केंद्रांच्या आरोग्य अधिकारी डॉ. सुचिता कदम यांनी दिली.
सराफ व्यावसायिकाच्या घरातच तीन रुग्ण आढळून आल्यामुळे उरुळी कांचन परिसरात भितीचे वातारण पसरले आहे. या सराफाची पुणे शहराच्या उपनगरात आणखी दोन दुकाने आहेत. या दुकानात सराफांच्या नातेवाईकांचे येजा असते. त्यामुळे सराफाच्या तीनही दुकानील सर्वच कामगारांची स्वॅब तपासणी करण्याची गरज आहे. मात्र, आरोग्य विभाग उरुळी कांचन शहरातील एकाच दुकानातील कामगारांची स्वॅब तपासणी करणार असल्याचे समजते.
याबाबत डॉ. सुचिता कदम यांनी सांगितले की, उरुळी कांचन व शहरातील कोरोना रुग्णांची वाढती संख्या लक्षात घेऊन ग्रामपंचायत प्रशासन व आरोग्य विभागाने मागिल सहा दिवसांपासून कोरोनाची साखळी तुटावी, यासाठी युद्धपातळीवर प्रयत्न सुरु केले आहेत. घराबाहेर पडताना मास्क वारण्याबद्दल जनजागृती करण्यात आली आहे. पोलिस व ग्रामपंचायत प्रशासनाने मास्कविना फिरणाऱ्यावर दंडात्मक कारवाईही सुरु केली आहे. प्रशासन युद्ध पातळीवर काम करत असले, तरी नागरीकांची साथ मिळाल्याशिवाय कोरोना हटणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.