पुणे : कोरोना व्हायरसचे संकट आणि लाॅकडाऊनमुळे देशभरातील विद्यापीठाच्या परीक्षा खोळंबल्या आहेत. या पार्श्वभूमीवर विद्यापीठ अनुदान आयोगाने (यूजीसी) परीक्षा घेण्यासाठी व पुढील वर्षाच्या प्रवेशासह वर्ग सुरू करण्यासाठी नियमावली जाहीर केली आहे. विद्यापीठांना १ जुलैपासून परीक्षा घेण्याची परवानगी दिली आहे. 

- ताज्या बातम्यांसाठी डाऊनलोड करा ई-सकाळचे ऍप

परीक्षा व नवीन शैक्षणिक वर्षाचे नियोजन करण्यासाठी 'यूजीसी'ने दोन समित्या नेमल्या होत्या. या समित्यांनी नुकताच त्यांचा अहवाल सादर केला. त्यानंतर बुधवारी नियमावली जाहीर केली. तर प्रोजेक्ट, प्रॅक्टिकल हे  १ जून ते १५ जून या कालावधीत पूर्ण करावे. यात १ जुलै ते ३१ जुलै या कालावधीत परीक्षा पूर्ण कराव्यात.

- ब्रिटिश काळातही पुण्यातल्या पेठा रिकाम्या केल्या होत्या; वाचा इंटरेस्टिंग इतिहास

तीन तासांची परीक्षा घेण्याऐवजी कमी वेळेची असावी.  लेखी परीक्षा ७० गुणांची तर अंतर्गत मुल्यांकन ३० गुणांचे असावे. एकाच वेळी जास्त विद्यार्थी परीक्षेला न बोलवता, दिवसातून दोन वेळामध्ये परीक्षेचे नियोजन करावे. परीक्षा बहुपर्यायी, ओमर आधारीत, ओपन, प्रकल्प आधारीत अशा प्रकारे घेता, १४ ऑगस्टपर्यंत निकाल जाहीर करावेत. नवीन वर्षाची प्रवेश १ ऑगस्टपासून सुरू करावेत आणि १ सप्टेंबरपासून नवे वर्ष सुरू करावे असे नियमावलीत नमूद केले आहे.

- आम्ही राजस्थानमध्ये अडकलो होतो, पण महाराष्ट्र सरकारने... 
 
यूजीसीने जाहीर केलेल्या महत्त्वाच्या तारखा पुढीलप्रमाणे :

ऑनलाईन वर्ग - १६ मार्च ते ३१ मे 
प्रोजेक्ट सबमिट - १ जून ते १५ जून
उन्हाळी सुट्टी - १६ जून ते ३० जून
परीक्षा - टर्मिनल सेमिस्टर/इयर - १ जुलै ते १५ जुलै
इंटरमिजिएट सेमिस्टर/इयर - १६ जुलै ते ३१ जुलै
निकाल - टर्मिनल सेमिस्टर/इयर - ३१ जुलै
इंटरमिजिएट सेमिस्टर/इयर - १४ ऑगस्ट

- Breaking : पुण्यातील आणखी एका तालुक्यात कोरोनाची एन्ट्री; पहिलाच रुग्ण अन् तोही पॉझिटिव्ह!

प्रवेश प्रक्रिया - १ ऑगस्ट ते ३१ ऑगस्ट
द्वितीय व  तृतीय वर्षाचे वर्ग - १ ऑगस्ट पासून सुरू
प्रथम वर्षाचे वर्ग - १ सप्टेंबर पासून सुरू
प्रथम सत्र परीक्षा - १ जानेवारी २०२१ ते २५ जानेवारी २०२१