बारामती (पुणे) : बारामती शहरातील श्री गणेश मार्केट भाजी मंडई गेल्या अनेक दिवसांच्या कालखंडानंतर आज पुन्हा पूर्ववत सुरु झाली.
बारामती शहरातील श्री गणेश मार्केट भाजी मंडई सुरु करण्याचा निर्णय काल रात्री उशीरा मुख्याधिकारी योगेश कडुसकर यांनी घेतला. त्या नुसार आज सकाळपासून भाजीविक्रेत्यांनी मंडईत बसून विक्री करण्यास प्रारंभ केला.
मंडईत होणारी लोकांची गर्दी पाहून मंडई बंद करण्याचा निर्णय प्रशासनाने घेतला होता. त्यामुळे जीवनाश्यक असलेली भाजी व फळे घरपोच देण्याची सोय उपलब्ध करुन देण्यात आली होती. या शिवाय भाजी विक्रेत्यांनी घरोघर जाऊन विक्रीला प्रारंभही केला होता.
जीवनाश्यक वस्तू म्हणून भाजीकडे पाहिले गेले. मात्र, मंडईत होणारी गर्दी चिंताजनक होती. त्याचा विचार करुन प्रशासनाने मंडईतील गर्दी टाळण्यासाठी बंदचा निर्णय घेतला होता. आता मात्र जनजीवन सुरळीत होणे गरजेचे असल्याने आजपासून विविध बंधने शिथील करण्याचा निर्णय झाल्याने आजपासून मंडईही सुरू करण्याचा निर्णय झाला आहे. सोशल डिस्टन्सिंग पाळण्यासह सॅनेटायझर व मास्कचा वापर करण्यासह बाकीच्या अटी घालून मंडई सुरु करण्यास परवानगी देण्यात आली आहे.
आज सकाळच्या सत्रात लोकांना मंडई सुरु झाल्याची माहितीच नव्हती. त्यामुळे मंडईत गर्दी नव्हती. विक्रेतेही उशीराने येत असल्याने रविवारीच ख-या अर्थाने मंडई सुरु होईल, अशी शक्यता वर्तविली जात आहे.
मंडई सुरु झाल्याने विक्रेते व ग्राहक दोघांचीही आता सोय होणार आहे. असे असले तरी कोरोनाच्या पार्श्वभूमीवर सर्वांनी परिपूर्ण काळजी घ्यावी, असे आवाहन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.