पुणे : विधानसभा निवडणुकीत पुण्यातील कोथरूड विधानसभा मतदारसंघ सध्या सर्वाधिक चर्चेत आहे. भाजपचे प्रदेशाध्यक्ष चंद्रकांत पाटील यांच्या उमेदवारीला झालेला विरोध आणि विद्यमान आमदार मेधा कुलकर्णी यांच्यावर अऩ्याय झाल्याची भावना यामुळे कोथरूडमध्ये सध्या काय चाललंय. याविषयी सर्वाधिक चर्चा होताना दिसत आहेत. आज, भाजप उमेदवार चंद्रकांत पाटील यांनी मेधा कुलकर्णी यांना जास्त वेळ वाट पहावी लागणार नाही, असे सांगत त्यांच्या पुनर्वसनाचे संकेत दिले आहेत.
कोथरूडमध्ये ब्राह्मण संघटनांनी चंद्रकांत पाटील यांच्या उमेदवारीला विरोध केला आहे. याविषयावरून ब्राह्मण महासंघात फूट पडली आहे. आज कोथरूडमध्ये झालेल्या बैठकीत कुलकर्णी यांच्यावर झालेल्या अन्यायाची अप्रत्यक्ष कबुली पाटील यांनी दिली. ‘मेधाताईंवर अन्याय झाला. पण, त्यांना जास्त वेळ वाट पहावी लागणार नाही,’ असेही त्यांनी स्पष्ट केले. माध्यमांशी बोलताना चंद्रकांत पाटील म्हणाले, ‘राज्यात बंडखोरी आहे. पण, भाजपचे सर्व बंडखोर उमेदवार माघार घेतील.’ ब्राह्मण समाजातील काहींच्या भूमिकेवर चंद्रकांत पाटील म्हणाले, ‘मत व्यक्त करणे हा जिवंतपणा आहे. समाजाच्या मागण्यांवर बसून निर्णय घेऊ. तर न्यायालयीन विषयात सरकार योग्य ते प्रयत्न करेल.’
'मित्रपक्षामध्ये चिन्ह वरुन नाराजी नाही'
राष्ट्रीय समाज पक्षाचे नेते महादेव जानकर यांनी पत्रकार परिषद घेऊन भाजपवर थेट नाराजी व्यक्त केली असताना, त्यावर चंद्रकांत पाटील म्हणाले, ‘मित्रपक्षामध्ये चिन्ह वरुन कोणतीही नाराजी नाही. रामदास आठवलेंसोबत सदिच्छा भेट झाली आहे. कोथरूडने विश्वास टाकला तर, मला महाराष्ट्रात मोकळेपणाने फिरता येईल.’
उद्धव ठाकरेंची मुलाखत पाहिली नाही
संजय राऊत यांनी शिवसेना पक्षप्रमुख उद्धव ठाकरे यांची मुलाखत घेतली असून, ती आज प्रसारीत करण्यात आली. त्यात उद्धव ठाकरे यांनी मुख्यमंत्री शिवसेनेचा होईल, असे म्हटले आहे. त्यावर चंद्रकांत पाटील म्हणाले, ‘प्रत्येकाला लोकशाहीत इच्छा व्यक्त करण्याचा अधिकार आहे, इच्छा व्यवहारात आल्यानंतरच निर्णय होतो, सध्या ईच्छा व्यवहारात येण्याची वेळ नाही, आज ती वेळ नाही, निकालनंतर हे स्पष्ट होईल.’ कोथरुड मध्ये एका मित्राच्या घरांमध्ये राहतोय, काही टीव्ही चॅनेले याच्याही बातम्या केल्या त्यांना पुरस्कार द्यायला हवा, असा टोला चंद्रकांत पाटील यांनी लगावला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.