इंदापूर : राज्याचे माजी सहकार व संसदीय कार्य मंत्री हर्षवर्धन पाटील हे गुरुवारी (ता. 3) दुपारी 3 वाजता उमेदवारी अर्ज दाखल करणार असल्याची माहिती भाजपचे तालुकाध्यक्ष नानासाहेब शेंडे यांनी दिली.
शेंडे म्हणाले की, इंदापूर विधानसभा मतदार संघाचे भाजप, शिवसेना, रिपाई (आठवले गट), रासप, शिवसंग्राम, रयत क्रांती या महायुतीचे उमेदवार म्हणून माजी मंत्री हर्षवर्धन पाटील हे गुरुवारी आपला उमेदवारी अर्ज दाखल करणार आहेत. हर्षवर्धन पाटील हे प्रथमच भाजपच्या तिकिटावर निवडणूक लढवीत आहेत.
इंदापूर शहरातील श्रीराम वेस येथून सकाळी 10 वाजता हर्षवर्धन पाटील यांची पदयात्रा सुरू होईल. त्यानंतर नवीन प्रशासकीय इमारत शेजारील मैदानावर दुपारी 12 वाजता जाहीर सभा होणार आहे. या सभेनंतर हर्षवर्धन पाटील आपला उमेदवारी अर्ज दाखल करणार आहेत. पदयात्रेमध्ये महायुतीचे नेते, पदाधिकारी, कार्यकर्ते व नागरिकांनी मोठ्या संख्येने सहभागी व्हावे, असे आवाहन त्यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.