इंदापूर : पुणे, सोलापूर व नगर जिल्ह्यास वरदान ठरलेल्या उजनी धरणातून दि. १३ ऑक्टोबर रोजी दिवसभर विक्रमी म्हणजे ३४.१५ टीएमसी पाणी सोडण्यात आले. त्यासाठी उजनी धरणाच्या ४१ पैकी १६ दरवाजे ०.२६ मीटरने उचलून भीमा नदीत पाणी सोडण्यात आल्याने धरण व्यवस्थापन विभागाच्या वतीने नदीकाठच्या गावांना सावधगिरीचा इशारा दिला आहे.
उजनी धरणाच्या पुणे जिल्हा लाभक्षेत्रातील १९ धरण १०० टक्के भरल्याने उजनी धरण संपूर्ण क्षमतेने भरले होते. त्यातच धरण कार्यक्षेत्रात दि. १३ ऑक्टोबर रोजी ७४ मिलीमीटर इतका पाऊस पडल्याने धरणातून पाणी भीमा नदीत सोडावे लागले. उजनी धरणाची दुपारी १२ वाजेपर्यंत ४९७.३३० मीटर इतकी पाणी पातळी होती. धरणात एकूण पाणीसाठा १२३.२८ टीएमसी तर उपयुक्त पाणी साठा ५९.६२ टीएमसी होता. धरणात १११.२८ टक्के पाणीसाठा झाल्याने धरणातून भीमा नदीत पाणी सोडण्याचा निर्णय घेण्यात आला.
त्यानुसार दुपारी १२ वाजता वीज निर्मितीसाठी १६०० क्यूसेक, भीमा नदीत १५ हजार क्यूसेक पाणी सोडण्यात आले. दरम्यान पुणे बंडगार्डन येथून ३८१९ तर दौंड मधून ४१९९ क्यूसेक पाणी भीमा नदीत येऊ लागल्याने धरणाची पाणी पातळी वाढू लागली. त्यामुळे धरणातून एक वाजता २० हजार, सव्वातीन वाजता ४० हजार, चार वाजता ५० हजार, साडेचार वाजता ६० हजार क्यूसेक पाणी भीमा नदीत सोडण्यात आले.
वीर धरण १०० टक्के भरल्याने धरणातून निरा नदीत१३९११क्यूसेक पाणी सोडण्यात आले आहे. त्यामुळे नरसिंहपूर येथील निरा भीमा नदी संगमावर ३३३१९ क्यूसेक पाणी विसर्ग चालू असून उजनी धरण पाणलोट क्षेत्रात पाऊस सुरू आहे. त्यामुळे नदीकाठी जलसंपदा विभागाने सावधगिरीचा इशारा दिला आहे.
(संपादन : सागर दिलीपराव शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.