Penalty on Cooperative Banks: रिझर्व्ह बँकेने चार सहकारी बँकांवर कारवाई केली आहे. या सहकारी बँकांनी नियमांकडे दुर्लक्ष केले होते, त्यामुळे आरबीआयने कारवाई केली आणि दंड ठोठावला. भारतीय रिझर्व्ह बँकेने सहकारी बँकांना लाखो रुपयांचा दंड ठोठावला आहे.

रिझर्व्ह बँक ऑफ इंडियाने (RBI) 8 फेब्रुवारी रोजी सांगितले की बँकांनी नियमांचे उल्लंघन केल्याबद्दल चार सहकारी बँकांवर दंड ठोठावला आहे. आरबीआयने स्वतंत्र प्रेस रिलीजमध्ये म्हटले आहे की नकोदर हिंदू अर्बन को-ऑपरेटिव्ह बँक, पारसी को-ऑपरेटिव्ह बँक, बॉम्बे मर्कंटाइल को-ऑपरेटिव्ह बँक आणि नवनिर्माण सहकारी बँक यांना लाखो रुपयांचा दंड ठोठावला आहे. (RBI imposes monetary penalty on Nakodar Hindu Urban Cooperative Bank for violation of norms)

कोणत्या बँकेला किती दंड ठोठावला?

आरबीआयने बॉम्बे मर्कंटाइल को-ऑपरेटिव्ह बँकेला 63.30 लाख रुपये, झोरोस्ट्रियन को-ऑपरेटिव्ह बँकेला 43.30 लाख रुपये, नकोदर हिंदू अर्बन को-ऑपरेटिव्ह बँकेला 6 लाख रुपये आणि नवनिर्माण सहकारी बँकेला 1 लाख रुपयांचा दंड ठोठावला आहे. याशिवाय बँकांना नोटीसही बजावण्यात आली असून सूचनांचे पालन न केल्यामुळे हा दंड ठोठावण्यात आल्याचे आरबीआयने म्हटले आहे. (RBI imposes monetary penalty of over Rs 63 lakh on Bombay Mercantile Co-operative Bank Ltd)

सहकारी बँकांनी कोणते नियम पाळले नाहीत?

बॉम्बे मर्कंटाइल को-ऑपरेटिव्ह बँकेला एक्सपोजर नॉर्म्स आणि इतर निर्बंधांबाबत जारी केलेल्या सूचनांचे पालन न केल्यामुळे हा दंड ठोठावण्यात आल्याचे आरबीआयने म्हटले आहे. सेंट्रल बँकेने डिपॉझिट खाती, ठेवींवरील व्याजदरा बद्दलच्या सूचनांचे पालन न केल्यामुळे पारसी सहकारी बँकेवर कारवाई करण्यात आली आहे.

नकोदर हिंदू अर्बन को-ऑपरेटिव्ह बँकेवर उत्पन्नाची ओळख, मालमत्ता आणि इतर संबंधित बाबींवर जारी करण्यात आलेल्या सूचनांचे पालन न केल्याबद्दल दंड ठोठावण्यात आला आहे.