मोरगिरी (सातारा) : पाटण तालुक्यातील चोपडी विविध कार्यकारी सहकारी सेवा सोसायटीच्या निवडणुकीत (Chopadi Society Election) शिवसेना (Shiv Sena) पुरस्कृत निनाईदेवी ग्रामविकास पॅनेलने सर्व जागा जिंकत सोसायटीची सत्ता अबाधित ठेवली. पाटणकर गटाच्या राष्ट्रवादी (NCP) पुरस्कृत शेतकरी परिवर्तन पॅनेलच्या उमेदवारांचा पराभव झाला.

गृहराज्यमंत्री शंभूराज देसाई (Shambhuraj Desai) यांच्या मार्गदर्शनाखाली पार पडलेल्या या निवडणुकीत शंकर चव्हाण, अरुण जाधव, अण्णा जाधव, उत्तम जाधव, कुशाबा जाधव, नाथा जाधव, नारायण जाधव, सूर्यकांत जाधव, सरसाबाई जाधव, दीपाली पाटील हे उमेदवार विजयी झाले आहेत. यापूर्वी विलास माळी, सुरेश चव्हाण हे उमेदवार बिनविरोध निवडून आले आहेत. तर एक जागा रिक्त राहिली आहे.

पाटणकर गटाच्या राष्ट्रवादी पुरस्कृत शेतकरी परिवर्तन पॅनेलच्या उमेदवारांचा पराभव झाला. विजयी उमेदवारांचे गृहराज्यमंत्री देसाई, युवा नेते यशराज देसाई, मोरणा शिक्षण प्रसारक मंडळाचे अध्यक्ष रविराज देसाई, सरपंच विश्वास पाटील, उपसरपंच अजित पुजारी, एम. बी. चव्हाण नाथा जाधव यांनी अभिनंदन केले.