कऱ्हाड : शेअर मार्केटमधून कमी दिवसात जादा टक्केवारीने पैसे परत देण्याचे आमिष दाखवून शहरातील युवकांना सुमारे वीस लाखांना गंडा घालणार्‍या एकास पाेलिसांनी अटक केली. संबंधितास उत्तर प्रदेश येथील ग्रेटर नोयडा येथे पकडण्यात आले आहे. त्याच्याकडून तीन मोबाईल व एक लॅपटॉप जप्त केला आहे. हरीदयाळ रंजनदास गुप्ता (रा. सॉक्रेटीस 3, ओमीक्रॉन, गे्रटर नोएडा) असे अटक केलेल्याचे नाव आहे.

कऱ्हाड शहरातील युवकांना शेअर मार्केटमधून कमी दिवसात जादा टक्केवारीने पैसे परत देण्याचे आमिष दाखवून फसवणूक झाली होती. त्यात हरीदयाळने ती फसवणीक केली होती असे तपासाअंती उघडकीस आले. कऱ्हाडच्या युवकांकडून 19 लाख 87 हजार 500 रूपये रक्कम वेगवेगळ्या बँक खात्यावर मागवून घेतली होती. ती रक्कम परत न देता ताे पळून गेला होता. त्याबाबत पोलिसात फिर्याद दाखल होती.

वरिष्ठ पोलीस निरीक्षक बी. आर. पाटील यांच्या मार्गदर्शनाखाली शहर पोलिस ठाणेचे सहायक पोलिस निरीक्षक अमित बाबर, हवालदार तानाजी शिंदे, प्रफुल्ल गाडे, मारूती लाटणे, विनोद माने यांनी तपास केला. त्यात दिल्ली व नोएडातून हरीदयाळ यास अटक करण्यात आली.

बंदूक चालविणाऱ्या हाती जेव्हा कुंचला येतो! 

अभिनेते सयाजी शिंदे साताऱ्यात साकारणार पर्यावरणीय उद्यान

Bank Of Maharashtra चा निर्णय; गृहकर्ज, वाहन कर्जावरील प्रोसेसिंग फी माफ

सरकारी कर्मचाऱ्यांनाे! BSNLने तुमच्यासाठी आणलीय खास याेजना

Edited By : Siddharth Latkar