मलकापुरातील उड्डाणपूल पाडण्याचे काम सुरू आहे. त्यामुळे सध्या येथील वाहतूक उपमार्गावरून वळविण्यात आली आहे.
मलकापूर : येथील उड्डाणपूल पाडण्यासाठी महामार्गावरील वाहतूक उपमार्गावरून वळविण्यात आली आहे; परंतु उपमार्गावर एकेरी वाहतूक केली असून, अनेक वाहने उलट्या दिशेने प्रवास करतात.
अशाच उलटा प्रवास करणाऱ्या दुचाकीस्वाराने ढेबेवाडी फाट्यावर पोलिसांबरोबर हुज्जत घालत अपशब्दाचा वापर केला. संबंधित दुचाकीवाल्याने अरेरावीची भाषा वापरली. या गोंधळात याठिकाणी काहीकाळ वाहतूक कोंडी झाली होती.
मलकापुरातील उड्डाणपूल पाडण्याचे काम सुरू आहे. त्यामुळे सध्या येथील वाहतूक उपमार्गावरून वळविण्यात आली आहे. उपमार्गावरून जाणारी वाहतूक अतिशय धिम्या गतीने सुरू असते. एसटी बस व खासगी प्रवासी बसचालकांच्या आडमुठेपणामुळे अनेक वेळेला वाहतूक कोंडी होऊन लांबपर्यंत वाहनांच्या रांगा लागत असतात.
ढेबेवाडी फाट्यावर उत्तरेकडे चौकातील उड्डाणपुला शेजारीच ढेबेवाडीकडून कोल्हापूरकडे जाणारास पर्यायी युटर्न मार्ग बनवण्यात आला आहे. येथील उड्डाणपुलाचे पिलर व बीम पाडण्याचे काम अंतिम टप्प्यात आले आहे. त्याच पद्धतीने कृष्णा रुग्णालयासमोरील उड्डाणपूल पाडण्याची तयारी झाली आहे. वाहनधारकांनी दक्षिणेकडील बाजूच्या युटर्न मार्गाचा अवलंब करावा, असे आवाहन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.