iPhone 15 Pro : सप्टेंबर २२ पासून iPhone 15 Pro सीरीज लाँच झाल्यापासून यूजर्सना आणि रिव्ह्यूवर्सच्या हा फोन गरम होण्याच्या तक्रारी होत्या. विशेषत: प्रो मध्ये या समस्या जास्त प्रमाणात आढळून आल्या होत्या. आता या समस्येवर खुद्द Apple कंपनीनेच अधिकृतरित्या स्पष्टीकरण दिले आहे.

“आम्ही काही कंडिशन्सवर आयफोन अपेक्षेपेक्षा जास्त गरम होऊ शकतो हे ओळखले आहे. डिव्हाइस सेट केल्यानंतर किंवा रिस्टोअर केल्यानंतर त्याच्या वापरात पहिल्या काही दिवसांमध्ये डिव्हाइस गरम जाणवू शकते.” असे Apple ने म्हटले आहे.

Apple पुढे म्हणाले, “आम्हाला iOS 17 मध्ये एक बग देखील सापडला आहे ज्याचा प्रभाव काही यूजर्सच्या मोबाईलवर दिसून येतो. या समस्येचे निराकरण सॉफ्टवेअर अपडेट्समध्ये केल्या जाईल.

थर्ड पार्टी अॅप्सच्या काही रिसेंट अपडेट्समुळे ते सिस्टम ओव्हरलोड करत आहेत. त्यामुळे या समस्येवर तोडगा काढण्यासाठी आम्ही या अॅप डेव्हलपर्ससोबत रोल आउट प्रक्रियेसंदर्भातही बोलतोय.”

Apple ने काही अहवालांद्वारे प्रसारित केलेल्या काही गैरसमजांचे स्पष्टीकरण देखील दिले आहे:

Apple म्हणते की सबस्ट्रक्चर मटेरियल म्हणून टायटॅनियमवर स्विच करून आयफोन 15 प्रो जास्त गरम होत नाही शिवाय मागील स्टेनलेस स्टील मॉडेलपेक्षा रिसेंट मॉडेल चांगले आहे.

Instagram, Asphalt 9 आणि Uber सह असे काही अॅप्स आहेत, जे CPU ला “ओव्हरलोड” करत आहेत, ज्यामुळे फोन सामान्यपेक्षा जास्त गरम होतो.

Apple ने असेही म्हटले आहे की, बग फिक्स करणारी अपकमिंग IOS सिस्टिम डिव्हाइल थंड करण्यासाठी कार्यशील नाही.

20W पेक्षा जास्त वॅटचे समर्थन करणारे हायर अॅडॉप्टर वापरण्याबाबत Apple सांगतं की, यूजर्सने फास्ट चार्जिंग करताना iPhoneचे तापमान तात्पुरते वाढेल.

"आयफोन अजूनही 27W पर्यंत डिव्हाइसमध्ये पॉवर नियंत्रित करतो जोपर्यंत अॅडॉप्टर यूएसबी-सी पीडी (पॉवर डिलिव्हरी) स्टँडर्डशी सुसंगत आहे, तेव्हा फोनच्या सगळ्या गोष्टी सुरळीत असणे अपेक्षित आहे असे अॅप्पलचे म्हणणे आहे.