IPL 2023 Livestream : इंटरनेट कनेक्शन आपल्या जीवनाचा अविभाज्य भाग बनलाय. आपल्या दैनंदिन जीवनातील जवळजवळ प्रत्येक प्रकारच्या माहितीसाठी आपण त्यावर अवलंबून असतो. अशा परिस्थितीत, कोणत्याही अडथळ्याशिवाय सुरू असलेला IPL 2023 सामना पाहण्यासाठी आपल्याला हाय स्पीड इंटरनेटची आवश्यकता असते.

अनेक वेळा आपल्याला आवश्यक तेवढा इंटरनेट स्पीड सगळीकडे मिळत नाही. त्यामुळे सामना पाहण्याची मजाच निघून जाते. पण जर तुम्हाला आयपीएल सामना कोणत्याही अडथळ्याशिवाय पाहायचा असेल, तर या स्टेप्सच्या मदतीने तुमचा इंटरनेट स्पीड वाढवा.

स्मार्टफोन/डिव्हाइस रीस्टार्ट करा

तुम्हाला तुमच्या वायफायचा स्पीड वाढवायचा असेल तर तुम्ही तुमचा फोन काही काळ बंद करून पुन्हा चालू करू शकता. त्यामुळे तुमच्या वायफायच्या स्पीडची समस्या दूर होईल. याशिवाय तुमचा वायफाय राउटर पुन्हा चालू आणि बंद करा.

वायफाय \ राउटर रीस्टार्ट करा

तुमचा फोन रीस्टार्ट केल्यानेही जर तुमचा प्रोब्लेम सुटत नसेल तर तुमचे वायफाय राउटर बंद करा. त्यानंतर ते अनप्लग करा आणि किमान एक किंवा दोन मिनिटे असेच राहू द्या. यानंतर पुन्हा सुरू करा.

राउटर जवळ ठेवण्याचा प्रयत्न करा

तुमचे डिव्‍हाइस आणि राउटरमध्‍ये काही अडथळे आले तर इंटरनेट कनेक्‍टिव्हिटीमध्‍ये अडचणी निर्माण होऊ शकतात. सिग्नल ब्लॉकेज कमी करण्यासाठी, राउटर आणि स्मार्टफोनमधील अंतर शक्य तितके कमी ठेवण्याचा प्रयत्न करा. तुमचा राउटर जास्त उंचीवर ठेवून तुम्ही सिग्नलची चांगली रेंज देखील मिळवू शकता.

वायफाय नेटवर्क पुन्हा सेव्ह करा

तुमचे पूर्वी सेव्ह केलेले WiFi नेटवर्क डिलीट करून नव्याने सेव्ह करा. यामुळे वाय-फाय सिग्नल वाढविण्यात मदत होऊ शकते. याशिवाय, तुम्ही तुमचा फोन एकदा रीस्टार्ट करून तुमच्या वायफायचा स्पीड ही वाढवू शकता.