Microsoft ends support for Windows: मायक्रोसॉफ्टने Windows 7 आणि Windows 8.1 ला सपोर्ट देणे बंद केले आहे. तुम्ही जर अद्याप या ऑपरेटिंग सिस्टमवर आधारित लॅपटॉप वापरत असाल तर समस्या निर्माण होऊ शकते. कंपनी आता या ऑपरेटिंग सिस्टमसाठी कोणतेही सिक्योरिटी अपडेट जारी करणार नाही.
मायक्रोसॉफ्टने माहिती दिली होती की, १० जानेवारी २०२३ पासून Windows 7 आणि Windows 8.1 साठी कोणतेही सिक्योरिटी आणि टेक्निकल अपडेट जारी केले जाणार नाही. तसेच, येथून पुढे डेव्हलपरसाठी WebView2 चा सपोर्ट देखील मिळणार नाही. WebView2 च्या मदतीने डेव्हलपर अॅपला अपडेट करतात.
गुगल क्रोम ब्राउजरचा मिळणार नाही सपोर्ट
गुगलने गेल्यावर्षी ऑक्टोबर महिन्यात माहिती दिली होती की, Windows 7 आणि Windows 8.1 साठी गुगल क्रोम ब्राउजरचा सपोर्ट मिळणार नाही. विंडोज ७ आणि विडोज ८.१ मध्ये गुगल क्रोमच्या नवीन व्हर्जनचा सपोर्ट मिळणे देखील बंद होईल.
सिक्योरिटी अपडेट न मिळाल्याने ज्या लॅपटॉपमध्ये विंडोज ७ आणि विंडोज ८.१ ऑपरेटिंग सिस्टम आहेत, ते हॅकर्सच्या निशाण्यावर येऊ शकतात. तसेच, बगची देखील शक्यता आहे. वर्ष २०२१ च्या अखेरपर्यंत विंडोज ७ यूजर्सची संख्या जवळपास १०० मिलियन होती. त्यामुळे आता सर्व यूजर्सला विंडोजला अपडेट करावे लागेल.
रिपोर्टनुसार, जगभरात विंडोज ११ च्या तुलनेत २७ मिलियन अधिक यूजर्स विंडोज एक्सपी, ७ आणि ८ वर काम करणाऱ्या लॅपटॉपचा वापर करतात. दरम्यान, तुम्ही जर Windows 7 आणि Windows 8.1 इस्टॉल असलेल्या लॅपटॉपचा वापर करत असाल तर त्वरित ऑपरेटिंग सिस्टम अपडेट करा. अन्यथा हॅकर्स लॅपटॉपमधील खासगी माहिती चोरू शकतात.
हेही वाचा: गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.