Realme 10 4G Launched: रियलमीने भारतीय बाजारात आपला स्वस्त स्मार्टफोन Realme 10 4G ला लाँच केले आहे. कमी किंमतीत येणाऱ्या या फोनमध्ये फुलएचडी+ AMOLED डिस्प्ले, मीडियाटेक हीलियो G99 प्रोसेसर सारखे फीचर्स मिळतील. Realme 10 4G स्मार्टफोनच्या किंमत आणि फीचर्सविषयी सविस्तर जाणून घेऊया.

Realme 10 4G ची किंमत

Realme 10 4G च्या ४ जीबी रॅम आणि ६४ जीबी इनबिल्ट स्टोरेज व्हेरिएंटची किंमत १३,९९९ रुपये आहे. तर ८ जीबी रॅम आणि १२८ जीबी स्टोरेज व्हेरिएंटसाठी १६,९९९ रुपये खर्च करावे लागतील. लाँच ऑफर अंतर्गत ४ जीबी रॅम व्हेरिएंटला १ हजार रुपयांच्या डिस्काउंटसह खरेदी करू शकता.

फोनची १५ जानेवारीपासून realme.com, फ्लिपकार्ट आणि रिटेल स्टोरवरून विक्री सुरू होईल. रियलमीचा हा फोन व्हाइट आणि रश ब्लॅक रंगात येतो.

हेही वाचा: keyboard shortcuts: लॅपटॉपवर सहज काढता येईल स्क्रीनशॉट, जाणून घ्या या कामाच्या Shortcut Keys

Realme 10 चे स्पेसिफिकेशन्स

Realme 10 मध्ये ६.४ इंच सुपर एमोलेड डिस्प्ले देण्यात आला असून, याचा आस्पेक्ट रेशियो २०:९, रिफ्रेश रेट ६० हर्ट्ज आहे. फोन अँड्राइड १२ वर आधारित Realme UI ३.० वर काम करतो. यात ऑलवेज-ऑन डिस्प्ले (AOD) देण्यात आला आहे.

Realme 10 4G स्मार्टफोनमध्ये मीडियाटेक हीलियो G99 प्रोसेसरसह ४ जीबी/८ जीबी रॅम आणि १२८ जीबी स्टोरेज मिळेल. स्टोरेजला मायक्रोएसडी कार्डच्या मदतीने वाढवू शकता. तर पॉवर बॅकअपसाठी ३३ वॉट फास्ट चार्जिंग सपोर्टसह ५००० एमएएचची दमदार बॅटरी देण्यात आली आहे. यात सिक्योरिटीसाठी फिंगरप्रिंट स्कॅनर देखील मिळेल.

यात फोटोग्राफीसाठी ५० मेगापिक्सल + २ मेगापिक्सल रियर कॅमेरा देण्यात आला आहे. तर सेल्फी आणि व्हीडिओ कॉलिंगसाठी १६ मेगापिक्सलचा फ्रंट कॅमेरा मिळतो. फोनमध्ये हेडफोन जॅक, यूएसबी टाइप-सी पोर्ट, ड्यूल 4G VoLTE, वाय-फाय ८०२.११एसी, ब्लूटूथ ५.१, NFC सारखे फीचर्स मिळतील.

हेही वाचा: द मिसिंग टाइल सिंड्रोम ठेवा आपल्यापासून दूर