Royal Enfield Bikes Price Hike : दुचाकी उत्पादक कंपनी रॉयल एनफिल्डने (Royal Enfield) भारतात आपल्या काही मॉडेल्सच्या किमतीत वाढ केली आहे. कंपनीने Classic 350, Meteor 350 आणि Himalayan Motorcycles च्या मॉडेल्सच्या किमती वाढवल्या आहेत. नवीन दर हे जानेवारीपासून लागू करण्यात आला आहे. रॉयल एनफिल्डची सर्वाधिक विक्री होणारी मोटरसायकल Classic 350 ची सर्वात कमी आणि हिमालयीन रेंज बाइक्सच्या किंमतीत सर्वाधिक 4000 रुपयांची वाढ झाली आहे.

Meteor 350 Fireball ची नवीन किंमत

Royal Enfield Meteor 350 Fireball रेंजच्या किमती 2511 रुपयांनी वाढवण्यात आल्या आहेत. या बाइकची किंमत आता 2.01 लाख (एक्स-शोरूम) पासून सुरू होते आणि 2.03 लाख (एक्स-शोरूम) पर्यंत जाते. Meteor 350 लाइनअपमधील बाइक्सच्या स्टेलर रेंजच्या सर्व व्हेरिएंटच्या किंमतीत 2601 रुपयांची वाढ करण्यात आली आहे. Meteor 350 च्या स्टेलर रेंजची किंमत आता 2.07 लाख (एक्स-शोरूम) पासून सुरू होते आणि 2.09 लाख (एक्स-शोरूम) पर्यंत जाते.

Meteor 350 लाइनअप मधील टॉप-स्पेक मॉडेल, सुपरनोव्हाला (Supernova ) च्या किमतीत सर्वाधिक वाढ झाली आहे. 2752 रुपयांच्या वाढीनंतर, या रेंजची किंमत आता 2.17 लाख रुपयांपासून सुरू होते आणि 2.19 लाख रुपये (एक्स-शोरूम) पर्यंत जाते.

Classic 350 ची नवीन किंमत

क्लासिक 350 रेंजमधील बाइकची किंमत व्हेरिएंटनुसार 2872 ते 3332 रुपयांपर्यंत वाढली आहे. एंट्री-लेव्हल Redditch Classic 350 350 ची किंमत आता 1.87 लाख रुपये (एक्स-शोरूम) असेल, तर टॉप-स्पेस क्रोम क्लासिक 350 ची किंमत 2.18 लाख रुपये (एक्स-शोरूम) असेल.

Royal Enfield Himalayan ची नवीन किंमत

रॉयल एनफिल्ड हिमालयन रेंजमधील सर्व बाइक्सच्या किमती 4,000 रुपयांपेक्षा जास्तीने वाढल्या आहेत. सिल्व्हर आणि ग्रे हिमालयनची किंमत आता 2.14 लाख रुपयांपासून (एक्स-शोरूम) सुरू होईल, तर ब्लॅक आणि ग्रीन हिमालयनची किंमत वाढून 2.22 लाख (एक्स-शोरूम) असेल.

या मॉडेल्सच्या किमती जैसे थे

याशिवाय Royal Enfield चे आणखी तीन मॉडेल्स देखील आहेत, ज्यात Interceptor, Continental GT आणि Bullet यांचा समावेश आहे. मात्र, या मोटरसायकलींच्या किमतीत अद्याप कोणताही बदल झालेला नाही.