प्राणीसंग्रहालयात आपण प्राणी पाहण्यासाठी जात असतो. प्राणी पाहण्यासाठी प्राणीसंग्रहालयात जाऊनही प्राणी न दिसल्यामुळे अनेकजण नाराज होत असतात. पण जंगली प्राणी आपल्यावर हल्लासुद्धा करत असतात याची काळजी आपण घेतली पाहिजे. सध्या असाच एक व्हिडिओ सोशल मीडियावर व्हायरल झाला आहे. त्यामध्ये एका व्यक्तीवर सिंहाने हल्ला केल्याचं दिसत आहे.

व्हायरल होत असलेल्या व्हिडिओमध्ये एक वृद्ध व्यक्ती पिंजऱ्यातून आत सिंहाकडे जात असतो. तेवढ्यात पुढे असलेला सिंह वृद्ध व्यक्तीकडे पळत येतो आणि त्याच्यावर हल्ला करतो. वृद्ध व्यक्ती खाली पडल्यावर सिंह त्याच्या मानेला तोंडात धरून ओढत झाडामध्ये घेऊन जातो. हा प्रकार घडत असताना एक महिला किंचाळतानाचा आवाज ऐकू येत आहे.

दरम्यान, हा व्हिडिओ पाहून आपल्याही अंगावर काटा आल्याशिवाय राहणार नाही. ट्वीटरवरील Terrifying nature या अकाउंटवरून हा व्हिडिओ शेअर करण्यात आला आहे. ब्रिटीश पार्कच्या मालकावर हा हल्ला झाल्याचं ट्वीटमध्ये म्हटलं आहे. तर हा व्हिडिओ सध्या चांगलाच व्हायरल झाला असून त्यावर नेटकऱ्यांनी आपल्या प्रतिक्रिया व्यक्त केल्या आहेत.