आयुष्यातलं पहिलं प्रेम आणि पहिलं चुंबन कुणीही कधीच विसरू शकत नाही. ही भावना आपल्या आठवणींमध्ये नेहमीच ताजी असते. 'फर्स्ट किस'ची क्रेझ खूप असते, मान्य पण ही क्रेझ तुर्की मॉडेलला खूप महागात पडल्याचे दिसून आले. पहिल्या डेटवर आलेला अनुभव फारच विचित्र आहे.

उत्साहात या मॉडेलच्या जोडीदाराने एवढ्या जोरात किस केलं की तिची जीभच कापली गेली. हा प्रकार इतका गंभीर होता की तातडीने त्याच्यावर शस्त्रक्रिया करावी लागली. मॉडेलने संपूर्ण प्रकरण तिच्या इंस्टाग्राम पेजवर शेअर केलं आहे. तिची ही इंस्टाग्राम पोस्ट आता व्हायरल झाली आहे.

34 वर्षांची तुर्की मॉडेल सेडा इर्सोय (Ceyda Ersoy)ने हॉस्पिटलमधून सोशल मीडियावर एक व्हिडिओ पोस्ट केला आहे. त्यात सांगितले की ती पहिल्या डेटला गेली होती. फ्रेंच किस करतेवेळी दोघेही प्रेमात वाहून गेले. दरम्यान, तिच्या जोडीदाराने उत्साहाच्या भरात इतक्या जोरात किस घेतला की तिची जीभच कापली गेली आणि रक्त वाहू लागलं.

मॉडलने सांगितलं की, मला आपत्कालीन परिस्थितीमुळं रुग्णालयात दाखल करावं लागलं आणि शेवटी शस्त्रक्रिया करावी लागली. सेडा म्हणाली, कदाचित मी पहिली व्यक्ती आहे जिची चुंबन घेताना जीभ कापली गेली असेल. हा काही विनोद नाही. खूप त्रास होतो.

द सनने दिलेल्या वृत्तानुसार, एर्सोईने तिच्या चाहत्यांचे आभार मानले आणि म्हटले की, मित्रांनो, मी आता बरी आहे, तुमच्या शुभेच्छांसाठी तुमचे खूप खूप आभार, कोणतीही गुंतागुंत न होता ऑपरेशन पूर्ण झाले आणि डॉक्टरांनी जिभेचे टाके घातले आहेत. काही दिवस आराम करण्यास सांगितले आहे. दरम्यान या मॉडेलने तिच्या इंस्टाग्राम अकाउंटवर डॉक्टर टाके घालत असल्याचा व्हिडीओ देखील पोस्ट केल आहे.

तिच्या डेटचा संदर्भ देत सेडा म्हणाली की कदाचित त्याला फ्रेंच किस करावं हे माहित नसेल. त्यामुळेच गडबड झाली. मला असे वाटते की मी त्याला फारसे ओळखत नाही कारण आम्ही पहिल्यांदा भेटून फक्त एक महिना झाला आहे. असंही तिने सांगितलं आहे.

सेडा एर्सोई ही तुर्कीची मॉडेल आहे आणि ती तुर्की 2010 मिस फोटोमॉडेल स्पर्धेची विजेती आहे. इंस्टाग्रामवर तिचे 620,000 फॉलोअर्स आहेत. तिची बहीण इसरा, 37, देखील एक इंस्टाग्राम स्टार आहे. तिचे 398,000 फॉलोअर्स आहेत. सेडाचा हा व्हिडिओ व्हायरल झाला असून लोक वेगवेगळ्या प्रतिक्रिया देत आहेत.